कोलकाता, 15 जून (हि.स.)। पश्चिम बंगालको डायमंड हार्बरका लोकसभा सांसद तथा तृणमूल कांग्रेसका राष्ट्रिय महासचिव अभिषेक ब्यानर्जीका निकटतम सहयोगी सुमित रायले गिरफ्तारीको आशंकाबीच कलकत्ता उच्च अदालतमा अर्जी लगाएका छन्। सोमवार उनका वकिलले न्यायाधीश जय सेनगुप्ताको अदालतमा अग्रिम जमानतको याचिका दायर गर्न अनुमति मागे र तत्काल सुनवाइको लागि पनि अनुरोध गरे। अदालतले अनुमति दियो।

पश्चिम मिदनापुर जिल्लाको शालबनी थाना क्षेत्रमा दर्ता भएको मुद्दाको अनुसन्धानमा सुमित रायको नाम हालै बाहिर आएको छ। पुलिसले दाबी गरेको छ कि उनीमाथि बलजफ्ती असुली, जग्गा घोटाला, आर्थिक ठगी र पैसाको बदलामा चुनावी टिकट प्राप्त गरेको आरोपमा अनुसन्धान भइरहेको छ।

ज्ञात होस्, शनिवार बिहानै शालबनी पुलिसले अभिषेक ब्यानर्जीको कालीघाट स्थित निवासमा खोजी अभियान चलाएको थियो। पुलिस अनुसार, सुमित रायको खोजीमा यो कारबाही गरिएको हो। अनुसन्धानकर्ताहरूले सुमितको मोबाइल फोनको अन्तिम स्थान कालीघाट क्षेत्रमा पत्ता लगाए, जसले गर्दा पुलिस त्यहाँ पुग्न बाध्य भयो।

यद्यपि, घण्टौंसम्म खोजी गर्दा पनि सुमित रायको कुनै पत्ता लागेन। यसपछि पुलिसले आफ्नो खोजी तीव्र बनायो। यसैबीच सुमित राय अग्रिम जमानतको लागि उच्च अदालत पुग्नु कानूनी र राजनीतिक खेमामा छलफलको विषय बनेको छ।

सूत्रहरू अनुसार, पुलिसल सुमित रायलाई निरन्तर पछ्याइरहँदा, उनी गिरफ्तारीबाट बच्न कानूनी विकल्पहरूको सहारा लिइरहेका छन्। हालै मेदिनीपुर अदालतले उनी विरुद्ध पक्राउ वारेन्ट जारी गरेको छ।

हिन्दुस्थान समाचार / भवानी थामी