भुवनेश्वर, 17 जून (हि.स.)। राष्ट्रपति द्रौपदी मुर्मु र प्रधानमन्त्री नरेन्द्र मोदीको ओडिशा राज्यको मयुरभञ्ज जिल्लाको प्रस्तावित दौड़ाहलाई ध्यानमा राख्दै जिल्ला प्रशासनले 20 जूनमा पहाड़पुर गाउँमा सञ्चारमाध्यमको प्रवेशमा पूर्ण प्रतिबन्ध लगाएको छ। प्रशासनले उच्चस्तरीय सुरक्षा व्यवस्थालाई उद्धृत गर्दै यो निर्णय गरेको हो।

मयुरभञ्ज (बारीपदा) का जिल्ला सूचना तथा जनसम्पर्क अधिकृत (डीआई एण्ड पीआरओ) ले जारी गरेको आधिकारिक पत्रमा प्रिन्ट तथा इलेक्ट्रोनिक मीडियाका प्रतिनिधिलाई 20 जूनमा पहाड़पुर गाउँ नजान निर्देश दिइएको छ। वीवीआईपी कार्यक्रम शान्तिपूर्ण र सुरक्षित सञ्चालन गर्न जिल्ला गुप्तचर ब्यूरो (डीआइबी) र पुलिस अधीक्षकको सिफारिसमा यो निर्णय गरिएको हो।

जिल्ला प्रशासनले सबै मीडिया संस्थानहरूलाई सुरक्षा मापदण्ड पालना गरी सहयोग गर्न अपील गरेको छ।

निर्धारित कार्यक्रम अनुसार, राष्ट्रपति द्रौपदी मुर्मु 19 जूनमा मयुरभञ्ज आइपुग्नेछिन् भने प्रधानमन्त्री नरेन्द्र मोदीले 20 जूनमा जिल्लाको दौड़ाह गर्ने कार्यक्रम रहेको छ। दुवै शीर्ष नेता 20 जूनमा पहाड़पुर गाउँ पुग्ने कार्यक्रम छ।

यस दौड़ाहको क्रममा ओडिशामा बीजेपी सरकारको दोस्रो कार्यकालको दोस्रो वर्षगाँठ मनाउन रायरंगपुरमा ठूलो जनसभा कार्यक्रम पनि आयोजना गरिनेछ। यसका लागि जिल्लाभरि व्यापक सुरक्षा व्यवस्था मिलाइएको छ।

हिन्दुस्थान समाचार / भवानी थामी