नयाँ दिल्ली, 17 जून (हि.स.) ।भारतका प्रधानमन्त्री नरेन्द्र मोदीले सम्मान र स्वीकृतिले व्यक्तिलाई मूल्यवान, गौरवान्वित तथा सन्तुष्ट महसुस गराउँछ भनी बताएका छन्। उनका अनुसार, यस प्रकारका सम्मानले व्यक्तिको आत्मविश्वास मात्र बढाउँदैन, नयाँ ऊर्जा र उत्साह पनि प्रदान गर्छ।
प्रधानमन्त्री मोदीले बुधबार सामाजिक सञ्जाल एक्समार्फत एक संस्कृत सुभाषित साझा गर्दै लेखेका छन्,
“त्वत्सम्भावितमात्मानं बहु मन्यामहे वयम् । प्रायः प्रत्ययमाधत्ते स्वगुणेषूत्तमादरः।।”
यस सुभाषितको अर्थ स्पष्ट पार्दै उनले भने, जब कुनै व्यक्तिले हामीलाई सम्मानपूर्वक स्वीकार गर्छ, तब हामी गर्व र सौभाग्यको अनुभूति गर्छौं। महान् व्यक्तिहरूबाट प्राप्त सम्मानले व्यक्तिभित्र रहेका आफ्नै गुण र क्षमताप्रति गहिरो आत्मविश्वास जागृत गराउँछ।
प्रधानमन्त्रीले थप उल्लेख गरेका छन्, स्नेहपूर्ण सम्मान र स्वीकृतिले व्यक्तिमा गर्व, सन्तोष तथा सकारात्मक सोचको विकास गराउँछ। यसले आत्मविश्वास अभिवृद्धि गर्नुका साथै नयाँ ऊर्जा, प्रेरणा र उत्साहको सञ्चार गरेर व्यक्तिलाई अझ राम्रो कार्य गर्न उत्प्रेरित गर्दछ।
---------------
हिन्दुस्थान समाचार / भवानी थामी
17 Jun 2026
