नयाँ दिल्ली, 25 जून (हि.स.)। प्रधानमन्त्री नरेन्द्र मोदीले बिहिवार पश्चिम बंगालको राजधानी कोलकातामा भवन भत्किने दुर्घटनामा ज्यान गुमाउनेहरूका परिवारप्रति समवेदना व्यक्त गर्दै प्रधानमन्त्री राष्ट्रिय राहत कोष (पीएमएनआरएफ) बाट सहयोगको घोषणा गरे।
प्रधानमन्त्री मोदीले ट्विटरमा पोस्ट गरेका छन्, हिजो (बुधवार) कोलकातामा भएको दुर्घटना अत्यन्तै दुःखद छ। यस दुर्घटनामा ज्यान गुमाउनेहरूका परिवारले पीएमएनआरएफबाट प्रति व्यक्ति 2 लाख रुपियाँको सहयोग पाउनेछन्। घाइतेहरूले 50 हजार रूपियाँ पाउनेछन्। मोदीले प्रभावित मानिसहरूलाई हर सम्भव सहयोग सुनिश्चित गर्न राज्य सरकार चौबीसै घण्टा काम गरिरहेको आश्वासन दिए।
उल्लेखनीय छ कि कोलकाताको ताराताला क्षेत्रमा ब्रेस ब्रिज नजिकै निर्माणाधीन गोदामको छत खस्दा ठूलो दुर्घटना भएको थियो। हिजो निर्माणाधीन तीन तले चिया गोदामको तेस्रो तल्लाको छतको ढलाई गर्ने क्रममा संरचना अचानक भत्कियो। धेरै कामदारहरू भग्नावशेषमुनि पुरिए। दुर्घटनामा हालसम्म 9 जनाको मृत्यु भएको छ भने धेरै जना घाइते भएका छन्।
हिन्दुस्थान समाचार / भवानी थामी
