कोलकाता, 30 अगस्त (हि.स.)। भारत र रुसबीचको द्विपक्षीय सम्बन्धलाई नयाँ दिशा दिन र सहयोगका लागि नयाँ अवसरहरू खोज्नका लागि 31 अगस्तमा कोलकातामा 'सम्पर्क-भारत-रसिया द्विपक्षीय शिखर सम्मेलन 2026' आयोजना हुनेछ। यस महत्त्वपूर्ण सम्मेलनले कोलकाता र पूर्वी भारतलाई भारत-रुसी सहयोगको महत्त्वपूर्ण केन्द्रका रूपमा स्थापित गर्ने प्रयास गर्नेछ।
विश्व बङ्गला सम्मेलन केन्द्रको हल नम्बर 5 मा बिहान 10 बजीदेखि शुरू हुने सम्मेलनमा भारत-रसिया सम्बन्धसँग सम्बन्धित विभिन्न महत्त्वपूर्ण मुद्दाहरूमा छलफल हुनेछ। सम्मेलनको मुख्य केन्द्रबिन्दू उद्योग, संस्कृति र ऊर्जामा हुनेछ। व्यापार, लगानी, प्रविधि र आर्थिक सहयोगका क्षेत्रमा दुई देशबीचका सम्भावनाहरूबारे पनि छलफल हुनेछ।
सम्पर्कको उद्देश्य भारत-रसिया सम्बन्धसित जोड़िएका चर्चालाई परम्परागत रणनीतिक केन्द्रहरूदेखि अगाड़ी बढ़ाएर कोलकाता र पूर्वी कोरिडोरमा लैजानु हो।
आयोजक अनुसार, पूर्वी भारतमा व्यापार, लगानी, ऊर्जा, प्रविधि र सांस्कृतिक सहयोगको विशाल सम्भावनालाई ध्यानमा राख्दै यो सम्मेलन यस क्षेत्रका लागि महत्त्वपूर्ण साबित हुनसक्छ।
यस सम्मेलनलाई उद्योग, वाणिज्य र उद्यम विभाग, गैर-परम्परागत र नवीकरणीय ऊर्जा स्रोत विभाग, सूक्ष्म, लघु र मध्यम उद्यम र कपड़ा विभाग, पर्यटन विभाग, आवास विभाग, कृषि विपणन विभाग, शिक्षा विभाग, पञ्चायत र ग्रामीण विकास विभाग सहित पश्चिम बङ्गाल सरकारका धेरै विभागहरूले समर्थन गरेका छन्।
यस कार्यक्रममा विभिन्न क्षेत्र, उद्योग र अन्य सम्बद्ध क्षेत्रका प्रतिनिधिहरू सहभागी हुने अपेक्षा गरिएको छ। सम्मेलनले भारत र रुसबीचको व्यावसायिक, सांस्कृतिक र ऊर्जा सहयोगलाई सुदृढ़ पार्ने र पूर्वी भारतका लागि नयाँ अवसरहरूको अन्वेषण गर्ने कुरामा ध्यान केन्द्रित गर्नेछ।
हिन्दुस्थान समाचार / भवानी थामी
