कोलकाता, 13 सेप्टेम्बर (हि.स.)। पश्चिम बङ्गालका मुख्यमन्त्री शुभेन्दु अधिकारीले आइतवार स्वतन्त्रता सङ्ग्रामका महान क्रान्तिकारी शहीद जतिन्द्रनाथ दासलाी उनको बलिदान दिवसमा श्रद्धाञ्जली अर्पण गरे। उनले सामाजिक सञ्जालको माध्यमबाट सन्देश जारी गरी भने, जतिन्द्रनाथ दास साहस, वीरता औ स्वतन्त्रताको आवाजका प्रतीक हुन्।
शुभेन्दु अधिकारीले भने, लाहौर जेलमा थुनिएको बेला जतिन्द्रनाथ दासले अन्य क्रान्तिकारीहरूसित मिलेर राजनीतिक बन्दीहरूसित भइरहेको अमानवीय व्यवहारको विरोधमा ऐतिहासिक भोकड़ हड़ताल शुरू गरेका छन्। यो हड़ताल 63 दिनसम्म यथावत रह्यो। 13 सेप्टेम्बर, 1929 मा भोक हड़तालकै क्रममा उनले अन्तिम सास लिए। उनले देशको स्वतन्त्रताको लागि आफ्नो जीवनको बलिदान दिए।
मुख्यमन्त्रीले भने, जतिन्द्रनाथ दासको आत्मबलिदानलाई भारतीय स्वतन्त्रता आन्दोलनको इतिहासमा सदैव स्मरण गरिनेछ। उनको दृढ़ता र साहसले स्वतन्त्रता सेनानीहरूलाई प्रेरणा दियो। मुख्यमन्त्री अधिकारीले बलिदानी जतिन्द्रनात दासको बलिदानलाई नमन गरे।
जतिन्द्रनाथ दासको जन्म 27 अक्टोबर, 1904 मा कोलकातामा भएको थियो। युवावस्थामै उनी स्वतन्त्रता आन्दोलनमा सामेल भएका थिए। पछि उनी भगत सिंह र अन्य क्रान्तिकारीहरूको सम्पर्कमा आए। लाहौर षड़यन्त्र मामिलामा पक्रा परेपछि उनले जेलभित्रै राजनैतिक बन्दीहरूको अधिकारका लागि भोक हड़ताल गरेका थिए। उनको निधनपछि देशभरिकै मानिसहरूले उनलाई श्रद्धाञ्जली दिएका थिए।
हिन्दुस्थान समाचार / उष्णता छेत्री शर्मा
