जोधपुर, १६ सेप्टेम्बर (हि.स.)। पशु आहारको कारोबार गर्ने एक व्यक्तिको बैंक खाताबाट दुई पटक गरी ५ लाख रुपियाँ चोरी भएको छ। पीड़ितको मोबाइलमा कुनै ओटीपी नम्बर पनि आएको थिएन। खाताबाट रकम निकालिएको जानकारी पाएलगत्तै उनले साइबर पोर्टल र विवेक विहार पुलिसलाई सूचना दिए। पुलिसले तत्काल कारबाही गर्दै २.६६ लाख रुपियाँ रोक्न सफल भएको छ। घटना १४ सेप्टेम्बरको हो। घटनाको अनुसन्धान विवेक विहार थानाका प्रभारी भवानी सिंहले गरिरहेका छन्।
थाना प्रभारी भवानी सिंह अनुसार, बालाजी नगर, विवेक विहार निवासी सुनील पुत्र हापूराम विश्नोई पशु आहारको कारोबार गर्छन्। १४ सेप्टेम्बरमा उनको बैंक खाताबाट दुई पटक गरी ५ लाख रुपियाँ निकालियो। कुनै शातिर व्यक्तिले ओटीपी नम्बर नपठाई पहिलो पटक १ लाख र दोस्रो पटक ४ लाख रुपियाँ निकालेको बताइएको छ।
घटनाबारे जानकारी पाएपछि सुनीलले साइबर पोर्टलमा उजुरी गर्नुका साथै पुलिस थानामा समेत मुद्दा दर्ता गराए।
थाना प्रभारी भवानी सिंहले पुलिसको साइबर टोलीले तत्काल कारबाही गर्दै चोरी भएको रकममध्ये २.६६ लाख रुपियाँ रोक्न सफल भएको बताए। बाँकी रकम फिर्ता गराउने प्रयास भइरहेको उनले जानकारी दिए। घटनामा सूचना प्रविधिसम्बन्धी कानुन अन्तर्गत मुद्दा दर्ता गरिएको छ।
हिन्दुस्थान समाचार / भवानी थामी
