जलपाईगुड़ी, 17 सेप्टेम्बर (हि.स.)। फूलबाड़ी स्थित अमाईदिघी जूनियर बेसिक स्कूल परिसरमा बिहीवार बिहान एक जना अज्ञात व्यक्तिको शव भेटिएको घटनाले कोकोहोलो मचायो। शव स्कूलको मिड-डे मील भान्साकोठा र कक्षाको बीच रहेको शेडमा थियो। घटनाले गर्दा विद्यार्थी, शिक्षक तथा स्थानीय मानिसहरूमा सन्त्राष फैलिएको छ।

स्कूलका टीआईसी सञ्जीव सरकारले बताए, बिहान लगभग साढ़े सात बजी एकजना शिक्षिकाको नजर शेडमा लड़िरहेको व्यक्तिमाथि पुग्यो। स्कूलका शिक्षक-कर्मचारी तथा स्थानीय मानिसहरूमध्ये कसैले पनि उक्त मृत व्यक्तिको पहिचान खुट्याउन सकेका छैनन्।

स्थानीय मानिसहरूको भनाइ छ, फोर-लेन विस्तार कार्य भइरहेकोले स्कूलको पुरानो पर्खाललाई भत्काइएको छ। त्यसैले स्कूल परिसर हाल खुल्लै छ। आरोप छ, यसैको फाइदा उठाएर बाहिरका मानिसहरू स्कूल परिसरमा प्रवेश गरिरहेका छन्। स्थानीय मानिसहरूले चाँड़ै नयाँ पर्खाल बनाइदिने माग गरेका छन्।

घटनाको सूचना पाएपछि न्यू जलपाईगुड़ी थानाको पुलिसले घटनास्थलमा पुगेर शवलाई पोस्टमर्टम गर्नको लागि उत्तर बङ्गाल मेडिकल कलेज एवं अस्पतालमा पठाइदिएको छ। पुलिसले सम्पूर्ण मामिलाको जाँच शुरू गरेको छ।

हिन्दुस्थान समाचार / उष्णता छेत्री शर्मा