गुवाहाटी, 21 सेप्टेम्बर (हि.स.)। छत्तीसगढ़का पूर्व मुख्यमन्त्री, अखिल भारतीय कङ्ग्रेस कमिटी (एआईसीसी) का महासचिव औ असम कङ्ग्रेस प्रभारी भूपेश बघेलले सोमवार बिहान गुवाहाटीको सोनापुरस्थित जुबिन क्षेत्रमा पुगेर दिवङ्गत कलाकार जुबिन गर्गलाई श्रद्धाञ्जली अर्पण गरे।
बघेलले बिहान एघार बजे जुबिन क्षेत्रमा पुगेर दिवङ्गत कलाकारलाई श्रद्धाञ्जली अर्पण गरे। यस अवसरमा असम प्रदेश कङ्ग्रेस कमिटी (एपीसीसी) का अध्यक्ष गौरव गोगोई र कङ्ग्रेसका केही विधायकहरू पनि उपस्थित थिए।
श्रद्धाञ्जली कार्यक्रम पश्चात बघेल र अन्य कङ्ग्रेस नेताहरू नगाउँ तर्फ प्रस्थान भए। बघेल आज नगाउँको सामागुरीमा आयोजित एक विशाल जनसभामा मुख्य अतिथिको रूपमा सामेल हुनका लागि गइरहेका थिए।
एआईसीसी महासचिवको स्वागतमा सामागुरीदेखि जनसभा स्थलसम्म ऱ्याली पनि निकालियो। जनसभामा सांसद एवं एपीसीसी अध्यक्ष गौरव गोगोई, सांसद रकिबुल हुसैन, उपचुनाउ उम्मेद्वार शिवामणि बोरा समेत कङ्ग्रेसका अन्य वरिष्ठ नेताहरू सामेल भइरहेका छन्।
हिन्दुस्थान समाचार / उष्णता छेत्री शर्मा
