नयाँ दिल्ली, २७ सेप्टेम्बर (हि.स.)। केन्द्रिय गृह तथा सहकारिता मन्त्री अमित शाह, केन्द्रिय स्वास्थ्यमन्त्री जेपी नड्डाल गायतले आइतवार विश्व हिन्दू परिषद्का पूर्व अन्तरराष्ट्रिय अध्यक्ष अशोक सिंघलको जयन्तीका अवसरमा उनलाई श्रद्धाञ्जली अर्पण गरेका छन्।
अमित शाहले सामाजिक सञ्जाल मार्फत अशोक सिंघललाई सरलता र धर्मनिष्ठाका प्रतीकका रूपमा स्मरण गर्दै राष्ट्र, संस्कृति तथा विचारधाराप्रति उनले जीवन समर्पित गरेको बताए। आपत्काल विरुद्ध आवाज उठाउनुदेखि लिएर श्रीराम जन्मभूमि आन्दोलनलाई गति दिनेसम्म उनको संघर्ष र समर्पण सदैव मार्गदर्शक रहने शाहले उल्लेख गरे।
जेपी नड्डाले राष्ट्रको सांस्कृतिक स्वाभिमानको रक्षा गर्न अशोक सिंघलले आफ्नो सम्पूर्ण जीवन समर्पित गरेको बताए। श्रीराम जन्मभूमि मन्दिर निर्माणको मार्ग प्रशस्त गर्न उनको योगदान तथा आपत्कालका क्रममा लोकतान्त्रिक मूल्यको रक्षाका लागि गरेको संघर्ष अविस्मरणीय रहने उनले बताए।
भारतीय जनता पार्टीका राष्ट्रिय अध्यक्ष नितिन नवीनले अशोक सिंघलले आफ्नो सम्पूर्ण जीवन भारत माताको सेवामा समर्पित गरेको बताए। श्रीराम जन्मभूमि आन्दोलनदेखि लिएर सामाजिक जागरणसम्म उनको दृढ़ नेतृत्व र अटुट संकल्प राष्ट्रको पुनर्जागरणमा महत्वपूर्ण रहेको उनले उल्लेख गरे।
केन्द्रिय कपड़ा मन्त्री गिरिराज सिंहले श्रीराम मन्दिर निर्माणको संकल्पलाई जनआन्दोलनमा रूपान्तरण गर्न अशोक सिंघलको त्याग, तपस्या र योगदान सदैव स्मरणीय रहने बताए। राष्ट्र तथा धर्मको सेवामा समर्पित उनको जीवन सबैका लागि प्रेरणाको स्रोत रहेको उनले उल्लेख गरे।
हिन्दुस्थान समाचार / भवानी थामी
