नयाँ दिल्ली, 28 सेप्टेम्बर (हि.स.)। दिल्लीका मेयर प्रवेश वाहीले विशेष गहन पुनरीक्षण (एसआईआर)-लाई लिएर आम आदमी पार्टी (आआप) र कङ्ग्रेसमाथि भारत निर्वाचन आयोगको छवि धमिल्याएको आरोप लगाए। उनले भने, विपक्षी दलहरूले पहिले ईभीएमको नाममा निर्वाचन आयोगलाई लक्षित गर्थे भने अहिले एसआईआरलाई मुद्दा बनाएर संवैधानिक निकायको प्रतिष्ठालाई प्रभावित पार्ने प्रयास गरिरहेका छन्।

मेयर प्रवेश वाहीले उपमेयर डा. मोनिका पन्तको उपस्थितिमा सोमवार भाजपाको प्रदेश कार्यालयमा आयोजित पत्रकार सम्मेलनमा भने, आआप नेता अरविन्द केजरीवाल अनि कङ्ग्रेस नेता राहुल गान्धीले संवैधानिक संस्थाहरूको प्रतिष्ठामाथि प्रश्न उठाउनु कुनै नौलो कुरा होइन।

वाहीले आरोप लगाए, अरविन्द केजरीवाल दिल्लीको मुख्यमन्त्री हुँदा दिल्ली नगरनिगमको फण्डलाई रोकेर यसको कार्यप्रणालीलाई प्रभाव पार्ने प्रयास गरियो। वर्ष 2022- मा सम्पन्न भएको नगरनिगम चुनाउपछि पनि लगभग दुई वर्षसम्म नगरनिगमको संवैधानिक गठन हुन दिइएन जसबाट निगमको स्वायत्तता प्रभावित भयो।

एक संयुक्त वक्तव्यमा मेयर र उपमेयरले कङ्ग्रेसलाई लक्षित गर्दै भने, आज एसआईआरलाई लोकतन्त्रका लागि खतरा बताउने कङ्ग्रेस नेताहरूले आपतकालको समयलाई पनि सम्झनुपर्छ। लोकतन्त्रसँग सम्बन्धित त्यस युगका घटनाहरूलाई देशले बिर्सेको छैन, उनीहरूले भने।

उनले कङ्ग्रेसलाई निर्वाचन आयोगसँग सम्बन्धित पुराना घटनाक्रमलाई लिएर पनि लक्षित गरे। वाहीले भने, देशती ती घटनाहरूलाई भुलेको छैन जतिबेला पूर्व निर्वाचन आयुक्त एसएल शकधर र एमएस गिललाई लिएर काङ्ग्रेसमाथि पक्षपात गरेको आरोप लगाइएको थियो। यसरी नै पूर्व मुख्य निर्वाचन आयुक्त टीएन शेषनसँग झड़प हुनसक्ने स्थिति उत्पन्न भएको थियो।

हिन्दुस्थान समाचार / उष्णता छेत्री शर्मा