कोलकाता, 30 सेप्टेम्बर (हि.स.)। मुख्यमन्त्री शुभेन्दु अधिकारीले भारत छोड़ आन्दोलनका अमर शहीद वीर चुनाराम महतो एवं वीर गोविन्द महतोलाई उनीहरूको शहादत दिवसमा विनम्र श्रद्धाञ्जली अर्पण गरे। उनले बुधबार बिहान 8 बजे सामाजिक सञ्जालमा सन्देश जारी गरी 30 सेप्टेम्बर, 1942- को ऐतिहासिक सङ्घर्षलाई स्मरण गरे।
मुख्यमन्त्रीले भने, 30 सेप्टेम्बर, 1942- को भारत छोड़ आन्दोलनको ऐतिहासिक सङ्घर्षमा मानभूम, पुरूलियास्थित मनबजारको पावन धरतीमा दुई महान क्रान्तिकारी सपूतहरू वीर चुनाराम महतो अनि वीर गोविन्द महतोले मातृभूमिको स्वतन्त्रताको लागि आफ्नो प्राणको आहुति दिएका थिए।
उनले बताए, 29 सेप्टेम्बर, 1942- मा स्वतन्त्रता सेनानीहरूले अदम्य साहसको परिचय दिँदै पुरुलियाको मानभूमस्थित बान्दवान र बराभूम थानालाई अङ्ग्रेजहरूबाट मुक्त गराएर पहिलो पटक भारतीय त्रिरङ्गा फहराएका थिए। त्यसपछि भोलिपल्ट सेप्टेम्बर 30 मा मानबजार थानालाई कब्जा गर्ने रणनीतिको क्रममा ब्रिटिश सेनाको गोली लागेर दुवै बहादुर छोराहरू शहीद भए।
मुख्यमन्त्रीले भने, स्वतन्त्रता सङ्ग्राममा दुवै योद्धाको अतुलनीय साहस, बलिदान र देशभक्ति सदैव स्मरणीय रहनेछ। उनले दुवै शहीदहरूलाई शत-शत नमन गर्दै कोटी-कोटी श्रद्धाञ्जली अर्पण गरे।
--------
हिन्दुस्थान समाचार / उष्णता छेत्री शर्मा
