वासिङ्टन, ०८ सेप्टेम्बर (हि.स.)। संयुक्त राज्य अमेरिकाको वाणिज्य विभागले सोमबार भारत आगामी पुस्ताको ६जी दूरसञ्चार नेटवर्कको विकासका लागि भइरहेको विश्वव्यापी पहलमा अमेरिका र अन्य २४ देशको अलायन्समा सामेल भएको बताएको छ। यसका साथै अमेरिकी वाणिज्य सचिव हावर्ड लटनिकले जी२० इनोभेसन मिनिस्टेरियलका क्रममा भारतका वाणिज्य राज्यमन्त्री जितिन प्रसादसँग भेट गरी ६जीको भविष्यबारे छलफल गरेका छन्।
अमेरिकी वाणिज्य विभागले ‘एक्स’ मा भनेको छ, “हामी यो घोषणा गर्न पाउँदा खुशी छौँ कि भारत अमेरिका र अन्य २४ देशसँग त्यस्तो प्रयासमा सामेल भएको छ, जसको उद्देश्य आगामी पुस्ताका नेटवर्कहरूले हाम्रा साझा सुरक्षा आवश्यकताहरू पूरा गर्ने, हाम्रो प्रतिस्पर्धात्मकतालाई मजबुत बनाउने र ६जीमा नवप्रवर्तनलाई प्रवर्द्धन गर्ने सुनिश्चित गर्नु हो।”
वाणिज्य विभागले ‘एक्स’ मा गरेको पोस्टमा यो सम्झौता जी२० इनोभेसन मिनिस्टेरियलका क्रममा वाणिज्य सचिव हावर्ड लटनिक र भारतका वाणिज्य राज्यमन्त्री जितिन प्रसादबीच भएको द्विपक्षीय बैठकपछि तय भएको जनाएको छ। विभागले लेखेको छ, “लटनिकले जी२० इनोभेसन मिनिस्टेरियलका क्रममा भारतका वाणिज्य राज्यमन्त्री जितिन प्रसादसँग ६जीको भविष्यबारे छलफल गर्न भेट गर्नुभयो।”
अमेरिकी वाणिज्य विभागले भनेको छ, “हामी यो घोषणा गर्न पाउँदा खुशु छौँ कि भारत अमेरिका र अन्य २४ देशसँग यस प्रयासमा सामेल भएको छ, ताकि आगामी पुस्ताका नेटवर्कहरूले हाम्रा साझा सुरक्षा प्राथमिकतालाई प्रतिबिम्बित गर्ने, हाम्रो प्रतिस्पर्धालाई मजबुत बनाउने र ६जीमा नवप्रवर्तनलाई प्रवर्द्धन गर्ने सुनिश्चित गर्न सकियोस्।”
उल्लेखनीय छ, भारतका केन्द्रिय राज्यमन्त्री जितिन प्रसादले च्यापल हिल, नर्थ क्यारोलाइना (अमेरिका) मा एक र दुई सेप्टेम्बरमा आयोजित जी२० इनोभेसन मिनिस्टर्सको बैठकमा भारतीय प्रतिनिधिमण्डलको नेतृत्व गरेका थिए। यस बैठकको आयोजना अमेरिकी वाणिज्य विभाग र ह्वाइट हाउसको अफिस अफ साइन्स एन्ड टेक्नोलोजी पोलिसी (ओएसटीपी) ले गरेका थिए।
लटनिकसँग भएको बैठकको उल्लेख गर्दै प्रसादले ‘एक्स’ मा एक पोस्टमा लेखेका छन्, वार्ताको मुख्य केन्द्र आधुनिक प्रविधिको क्षेत्रमा आधार तयार गर्ने महत्त्वपूर्ण क्षेत्रहरूलाई अगाडि बढाउनु थियो। प्रसादले ‘एक्स’ मा भनेका छन्, “सेमिकन्डक्टर, एआई, डेटा सेन्टर-यी उदीयमान डिजिटल अर्थतन्त्रका महत्त्वपूर्ण आधार हुन्।”
हिन्दुस्थान समाचार / बिशाल
