नयाँ दिल्ली, 29 नोभेम्बर (हि.स.)। अरब सागरमा माछा समाउने दुई श्रीलंकाई डुंगाहरूबाट 500 किलो ड्रग्स जफत गरी 9 जनालाई पक्राउ गरिएको छ। यो कारबाही भारत र श्रीलंकाको नौसेनाहरूको संयुक्त अभियानमा गरिएको हो। चालक दल र जफत गरिएको नशालु पदार्थहरूको साथ दुवै डुंगालाई अगाड़ीको कानूनी कारबाहीको निम्ति श्रीलंकाई अधिकारीहरूलाई सुम्पिएको छ।

भारतीय नौसेनाको गुरूग्राम स्थित सूचना संलयन केन्द्र (हिन्द महासागर क्षेत्र) लाई श्रीलंकाई नौसेनाबाट अरब सागरमा श्रीलंकाको झण्डा लगाएको माछा समाउने दुई डुंगा मार्फत मादक पदार्थहरूको तस्करी गरिएको जानकारी प्राप्त भय़ो। यस इनपुटको आधारमा भारतीय नौसेनाको लामो दूरीको समुद्री गश्ती विमान र टाढ़ाबाट संचालित विमानबाट व्यापक निगरानी गरियो। साथै निगरानी प्रयासहरूलाई बढ़ाउन भारतीय नौसेना जहाजको एक जहाजलाई पनि तैनात गरियो।

मादक पदार्थहरूको तस्करीबारे सूचनाको आधारमा भारतीय नौसेनाले दुवै डुंगालाई रोक्नको निम्ति एक समन्वित अभियानको माध्यमले त्वरित प्रतिक्रिया दियो। श्रीलंकाई नौसेनाबाट लगातार प्राप्त सूचनाहरू र भारतीय नौसेनाको विमानहरूबाट हवाई निगरानीको आधारमा 24 र 25 नोभेम्बरमा दुवै डुंगाको पहिचान गरियो। मादक पदार्थ विरोधी अभियानहरूको संचालन गर्न भारतीय नौसेनाको एक अतिरिक्त जहाजलाई पनि तैनात गरिएको थियो।

यसपछि जहाज र हवाई सम्पत्तिहरूबीच दुवै डुंगाको चालक दललाई सचेत गरियो, जसमा सबै सदस्यहरूले हात खड़ा गरेर समर्पण गरे। भारतीय र श्रीलंकाई नौसेनाको समन्वित अभियानमा जहाजको बोर्डिङ टीमले दुवै डुंगामा चढ़ाई गऱ्यो र लगभग 500 किलो नशालु पदार्थ (क्रिस्टल मेथ) जफत गरियो। चालक दल र जफत गरिएको नशालु पदर्थाहरूको साथ दुवै डुंगालाई अगाड़ीको कानूनी कारबाहीको निम्ति श्रीलंकाई अधिकारीहरूलाई सुम्पिएको छ।

हिन्दुस्थान समाचार / भवानी थामी