बर्लिन, 21 दिसम्बर (हि.स.)। जर्मनीको एउटा शहर मेगडेबर्गमा अनियन्त्रित कारको हमलामा घाइते हुनेहरूमा सात भारतीय नागरिक पनि सामेल छन्। भारतीय नागरिकहरूलाई गम्भीर चोट लागेको छैन र प्राथमिक उपचारपछि उनीहरूलाई अस्पतालबाट छुट्टी दिइएको छ। भारतीय दूतावासले भनेको छ, दूतावास घाइते भएका सबै मानिसहरूको सम्पर्कमा छ।

भारतले जर्मनीको मैगडेबर्गमा भएको यस हमलाको निन्दा गरेको छ। भारतीय दूतावासको तर्फबाट जारी बयान अनुसार, हामी जर्मनीको मैगडेबर्गमा क्रिसमस बजारमा भएको भयानक र संवेदनहीन हमलाको निन्दा गर्दछौं। धेरै बहुमूल्य ज्यान गयो र धेरै घाइते भए। हाम्रो समवेदना र प्रार्थना पीड़ितहरूको साथमा छ। बयानमा भनिएको छ, उसको मिशन घाइते भारतीयहरू र उनीहरूका परिवारहरूको सम्पर्कमा छ र हरसम्भव सहायता प्रदान गरिरहेको छ।

ज्ञात होस्, जर्मनीको राजधानी बर्लिनदेखि 150 किमी टाढ़ा एक शहर मैगडेबर्गमा शुक्रवार साझँ क्रिसमस बजारमा एक अनियन्त्रित कारले मानिसहरूलाई कुल्चेको थियो। यस घटनामा दुई जनाको ज्यान गएको थियो भने 60 भन्दा धेरै घाइते भएका थिए। यस घटनाको आरोपी सउदी अरब निवासी तालेब ए पेशाले एक डाक्टर हुन् र गत 18 वर्षदेखि जमर्नीमा बसिरहेका छन्। पुलिसले आऱोपीलाई पक्राउ गरी मामिलाको जाँच गरिरहेको छ।

हिन्दुस्थान समाचार / भवानी थामी