इम्फाल, 26 दिसम्बर (हि.स.)। मणिपुरका मुख्यमन्त्री एन. बीरेन सिंहले नयॉं भर्ती भएका पुलिसकर्मीहरूका परिवारहरूलाई पुलिस कर्मीहरूको स्थानान्तरण र पदस्थापनामा हस्तक्षेप नगर्न अपील गरेका छन्।
मुख्यमन्त्रीले भने, युवाहरू र नयॉं भर्ती कर्मीहरूलाई सरकारको ट्रान्सफर पोस्टिङ नीतिमा निर्धारित मानदण्डहरूमा राज्य र देशको सेवा गर्न अवसर दिनुपर्छ। पुलिस विभागले अखण्डता र पारदर्शितालाई कायम राख्नु पर्ने आवश्यकतामाथि उनले बल दिए।
मुख्यमन्त्रीले बिहिवार इम्फालको वाइरी पंगेईस्थित मणिपुर पुलिस फाइरिङ रेन्ज र त्यहॉं बनिरहेको अस्थायी ब्यारेकको निरीक्षण गरे। यस अवधि पत्रकारहरूसित कुराकानी गर्दै उनले भने, हालैमा असमको लाचित बरफूकन पुलिस अकादमीमा 10औं र 11औं भारतीय रिजर्भ बटालियनको निम्ति 1946 नयॉं भर्ती भएका पुलिसकर्मी ट्रेनिङमा पास भएका छन्। उनीहरूलाई विशेष रूपमा राजमार्ग सुरक्षाको निम्ति तयार गरिएको हो। राज्यको वर्तमान स्थिति र नयॉं भर्ती कर्मीहरूले देखाएको अनुशासनलाई ध्यानमा राख्दै ब्यारेकहरू निर्माण गरिएको हो।
हिन्दुस्थान समाचार / बिशाल
