नयाँ दिल्ली, 16 अप्रेल (हि.स.)। राजधानी दिल्लीमा गर्मीको मौसममा प्रत्येक दिन आगलागी भएको घटना अघि आइरहेको छ। यसबीच गृह मन्त्रालयको नर्थ ब्लकमा पनि मंगलवार बिहान अचानक आगलागी भयो जसले गर्दा कोकोहोलो मच्चियो। आगो भवनको दोस्रो तलामा लागेको थियो।
सूचना पाएर घटनास्थलमा पुगेको दमकलका वाहनहरूले कड़ा परिश्रम गरेर आगोलाई नियन्त्रण गरे। भनिन्छ आगोको चपेटमा परेर कार्यालयमा राखिएका फर्निचर, फोटोकपी मसिन, एसी, पंखा आदि जलेर खरानी भएको छ। यद्यपि घटनामा कुनै प्रकारको ज्यानहानि भएको समाचार छैन।
प्राप्त जानकारी अनुसार मंगलवार बिहान 9.22 बजे दमकल विभागलाई गृह मन्त्रालयको नार्थ ब्लकमा दोस्रो तलामा आगो लागेको सूचना प्राप्त भएको थियो। त्यसपछि दमकलका सातवटा वाहनहरूलाई घटनास्थलमा पठाइयो। कड़ा परिश्रमपछि दमकलले 9.35 बजेसम्ममा आगोलाई नियन्त्रण गऱ्यो। आगो आईटी विभागको कार्यालयमा लागेको थियो। प्रारम्भिक जाँचमा बिजुलीको शर्ट सर्किटको कारणले आगलागी भएको हुनसक्ने अनुमान लगाइएको छ। पुलिसले घटनाको जाँच गरिरहेको छ।
हिन्दुस्थान समाचार/उष्णता