कोलकाता, 25 अप्रेल (हि.स.)। मुर्शिदाबाद जिल्लामा राती अँध्यारोमा बन्द स्कूलको पछिल्लोतिर बम बाँध्ने क्रममा विस्फोट भयो। उक्त विस्फोटमा परी एकजना व्यक्तिको हात उड़ेको छ भने अर्का व्यक्ति गम्भीर रूपमा घाइते भएका छन्। उड़ेको हातका टुक्राहरू भुइँभरि छरिएका थिए। बिहीवार पुलिस घटनास्थलमा पुग्यो। मुर्शिदाबादको बड़ज्ञा थाना क्षेत्रमा गए बुधवार राती भएको उक्त घटनाले व्यापक रूपमा आतंक फैलाएको छ। यद्यपि पुलिसले एकजना अपराधीलाई पनि समात्न सकेको छैन।
स्थानीय सूत्र अनुसार मुर्शिदाबादको बड़ज्ञा थाना क्षेत्र अन्तर्गत मोनाईकंदरा गाउँका केही युवकहरूले स्थानीय प्राथमिक विद्यालयको पछाड़ि जंगलमा सकेट बम बाँध्ने काम गरिरहेका थिए। बमको तीव्रतालाई बढ़ाउनको लागि तय मात्राभन्दा अधिक बारूद प्रयोग गरिँदैथ्यो।
पुलिस सूत्र अनुसार विस्फोट अत्यधिक गर्मीको कारणले भएको हो। विस्फोटमा दुई युवक गम्भीर रूपमा घाइते भए। स्थानीय मानिसहरूको दाबी छ, मोनाईकंदरा गाउँका बासिन्दा 19 वर्षीय जिन्नत अली शेख नामक कलेजका विद्यार्थीको औंलीहरू बमले उड़ाएको छ। ग्रामीणहरूको मान्यता छ, सड़कमा औंलीहरू छरिएका थिए। पुलिस पुगेपछि उपद्रवीहरू त्यहाँबाट भागे। पुलिसले सम्पूर्ण क्षेत्रलाई घेरेको छ।
कथित रूपमा मीडियाकर्मीरूलाई पनि घटनास्थलमा जानदेखि रोकियो। संयोगले मतदान केन्द्र त्यस स्कूलको पछाड़ि जंगलमा थियो जहाँ बम बाँधिँदैथ्यो। उल्लेखनीय छ, जिल्लामा भइरहेका हिंसात्मक घटनाहरूलाई लिएर रोष व्यक्त गर्दै हाई कोर्टले चुनाउ टार्ने चेताउनी दिएको छ।
हिन्दुस्थान समाचार/उष्णता