पेरिस, 30 जुलाई (हि.स.)। भारतीय प्याडलर मनिका बत्राले सोमवार राति पेरिस ओलम्पिकको टेबल टेनिस महिला एकलको राउण्ड अफ् 32 म्याचमा फ्रान्सकी पृथिका पावड़ेलाई पराजित गरिन्। टे​बल टेनिस महिला एकल राउण्ड अफ् 32 म्याचमा मनिका बत्राले आफ्नो प्रतिद्वन्दीलाई 4-0 (11-9, 11-6, 11-9, 11-7) ले हराइन्।

बत्राले पहिलो गेम 11-9 ले जितिन्। उनले दोस्रो गेम पॉंच अंकको सहज अन्तरले आफ्नो नाम गरिन्। पावड़ेले तेस्रो गेममा प्रतिरोध गर्ने प्रयास गरिन्, तर बत्राले गेम 11-9 ले जितिन्।

यस अघि राउण्ड अफ् 64 म्याचमा मनिका बत्राले ग्रेट ब्रिटेनकी अन्ना हर्सीलाई हराएकी थिइन्। 29 वर्षीय बत्राले उत्कृष्ट प्रदर्शन गर्दै 11-8, 12-10, 11-9, 9-11, 11-5 को स्कोरका साथ म्याच जितेर राउण्ड अफ् 32 मा आफ्नो स्थान पक्का गरेकी थिइन्।

हिन्दुस्थान समाचार / भवानी थामी / बिशाल