एमपी रोडमा एकदिने खुल्ला गोर्खा हाट/हाम्रो गुन्द्री बजार आरम्भ हुने
दार्जीलिङ, 22 अगस्त (हि.स.)। आगामी साता तथा 29 अगस्त बिहिवारदेखि दार्जीलिङको एमपी रोडमा एकदिने खुल्ला गोर्खा हाट/ हाम्रो गुन्द्री बजार आरम्भ हुने जानकारी प्राप्त भएको छ। स्थानीय उत्पादन लगायत उद्यमीहरुलाई टेवा पुऱ्याउन दार्जीलिङ नगरपालिका र गोर्खा हाट समूहले उक्त संयुक्त पद्क्षेप शुरु गर्ने नगरपाल विष्णु मल्ल अनि गोर्खा हाट समूहकी दीपिका गुरूङले जानकारी गराएका छन्।
खुल्ला गोर्खा हाट/ हाम्रो गुन्द्री बजार सञ्चालनमा ल्याउन विष्णु मल्लको नेतृत्वमा एउटा समिति पनि गठन गरिएको छ भने साफ-सफाइ, खाद्य परीक्षण अनि मूल्य निर्धारण गर्न नगरपालिका प्रशासनले सञ्चालन समितिलाई सहयोग पुऱ्याउने जानकारी प्राप्त भएको छ।
हिन्दुस्थान समाचार / हनोक / बिशाल
सम्बन्धित समाचार
