न्यूयर्क, 30 अगस्त (हि.स.)। दुईपल्टकी च्याम्पियन जापानकी नाओमी ओसाकाको अमेरिकी ओपनमा यात्रा समाप्त भएको छ। बिहिवार दोस्रो चरणमा उनी 52औं ऱ्याङ्ककी चेक गणराज्यकी केरोलिन मुचोवा विरुद्ध 6-3, 7-6 (7/5) ले पराजित भइन्।

2018 र 2020 मा विजेता रहेकी जापानकी ओसाका छोरी शाईको जन्मका कारण गत वर्ष प्रतियोगितामा भाग लिन पाएकी थिइनन्। 2022 मा अस्ट्रेलियन ओपनपछि उनी कुनै ग्राण्ड स्ल्यामको तेस्रो चरणमा अगाडि बढ्न पाएकी छैनन्।

कोर्टमा ओसाकाले अपनी लय हासिल गर्न निकै संघर्ष गर्नु पऱ्यो। उनले राम्रो शुरूवात गरिन्, तर शुरूवाती ब्रेक पोइन्टको फाइदा उठाउन उनी विफल रहिन्। चेक गणराज्यकी खेलाडीले लगातार पॉंच गेम आफ्नो नाम गरिन्। उनले शुरूवाती सेट 4-3 ले बढत हासिल गरिन् र अन्तमा पहिलो सेट 6-3 ले आफ्नो नाम गरिन्। दोस्रो सेटमा 1-1 को बराबरीमा ओसाकाले मुचोवाको सर्विस तोडेर 5-4 को बढत हासिल गरिन्।

तर, अर्को गेममा तीन सेटको अवसर गुमाइन्, जस कारण मुचोवाले फेरि बढत बनाउने अवसर पाइन्। ओसाकाले फेरि सेट बराबर गरिन्। यसपछि म्याच टाइब्रेकरमा पुग्यो, जसमा मुचोवाले बाजी मारिन्।

हिन्दुस्थान समाचार / भवानी थामी