दरंग (असम), 05 जनवरी (हि.स.)। दरंग जिल्लाको दलगाउँ विधानसभा क्षेत्र अधिनस्थ खारुपेटियामा गए राती भएको भयावह आगलागीको कारणले कोकोहोलो मच्चियो। फतेह चन्द हिरावतको कार्यालय अनि गोदाममा आगो लागेको कारणले लगभग 25 लाख रुपियाँको सम्पत्ति नोक्सान भएको अनुमान लगाइएको छ।

गोदामभित्र बिस्कुट, चिप्स, मोबाइल फोन लगायत अन्य सामग्रीहरू राखिएको थियो। फतेह चन्द हिरावतले विस्कुट, चिप्स तथा मोबाइल फोनको थोक व्यापार गर्दछन्। अग्निशमन विभागको वाहनले कड़ा संघर्ष गरेर आगोलाई नियन्त्रण गऱ्यो। यस आगलागीको कारण अहिलेसम्म पत्तो लाग्न सकेको छैन। पुलिस मामिलाको जाँचमा जुटेको छ।

---------------

हिन्दुस्थान समाचार / उष्णता छेत्री शर्मा