गान्तोक, 19 अक्टूबर (हि.स.)। मुख्यमन्त्री प्रेमसिंह तामाङले सिक्किमका पूर्व राज्यपाल गङ्गा प्रसाद चौरसिया र बिहारमा हुने आगामी विधानसभा चुनाउका उम्मेदवार डा. सञ्जीव कुमार चौरसियासंग भेट गरेका छन्। उक्त जानकारी मुख्यमन्त्रीले आज सामाजिक सञ्जाल फेसबुक पोस्टमा दिएका छन्।
मुख्यमन्त्री तामाङले सिक्किमका पूर्व राज्यपाल गङ्गा प्रसाद चौरसियालाई भेट्न पाएकोमा खुशी व्यक्त गरेका छन्। उनले पूर्व राज्यपाललाई स्वस्थ र उत्साही अवस्थामा देख्न पाएकोमा खुशी व्यक्त गरेका छन्। उनले पूर्व राज्यपालको निरन्तर सुस्वास्थ्य, खुशी र दीर्घायुको लागि हार्दिक शुभकामना व्यक्त गरेका छन्।
मुख्यमन्त्री तामाङले डा. सञ्जीव कुमार चौरसियालाई पनि भेटेको जनाएका छन्, जो बिहारमा हुने आगामी विधानसभाको चुनाउका उम्मेदवार हुन्। उनले डा चौरसियालाई सफलता र जनसेवाप्रति समर्पित योगदानको लागि शुभकामना व्यक्त गरेको बताएका छन्।
हिन्दुस्थान समाचार / बिशाल
