गान्तोक, 19 अक्टोबर (हि.स.)। विद्या भारती अखिल भारतीय शिक्षा संस्थानद्वारा सिक्किममा सञ्चालित शिशु मन्दिरहरूमा तिहार पर्व पालन गरिएको छ। विद्या भारती सिक्किमले विगत 2-3 वर्षदेखि आफ्ना विद्यालयहरूमा यसरी चाड-पर्वहरू मनाउने क्रम शुरू गरेको जानकारी संस्थाका संयोजक मोहन शर्माले दिएका छन्।

संयोजक शर्माले बताए अनुसार, विद्यालयमा यसरी चाड-पर्वहरू मनाउनुको मुख्य उद्देश्य आध्यात्मिकताका साथै संस्कार, संस्कृति, पर्व, परम्परा र भेषभुषाको बारेमा विद्यार्थीहरूलाई जानकारी गराउनु, संरक्षण-संवर्द्धन गर्नु र प्रचार-प्रसार गर्नु रहेको छ।

चाड-पर्वहरू मनाउने क्रममा अभिभावकहरूका साथै स्थानीय मानिसहरूलाई पनि जोड्ने कार्य भइरहेको उनले बताएका छन्। उनले भारतीय संस्कृति, भाषा भेषभूषा, स्थानीय खाद्य, चाड-पर्वहरूको संरक्षण-संवर्द्धन, मार्गदर्शन एवं प्रचार-प्रचार गर्न विद्या भारती, सिक्किमले विशेष जोड दिएर आफ्ना विद्यालयहरूमा चाड-पर्वहरूको पालन शुरू गरेको बताएका छन्।

हिन्दुस्थान समाचार / बिशाल