नयाँ दिल्ली, 6 अक्टोबर (हि.स.)।
राज्यसभाका सभापति सीपी राधाकृष्णनको अध्यक्षतामा सबै राजनीतिक दलका नेताहरूको बैठक मंगलबार हुनेछ। यो बैठक राज्यसभा एनेक्सी भवनमा बेलुकी ४ बजेदेखि सुरु हुनेछ र सबै दलका नेताहरूलाई यसमा आमन्त्रित गरिएको छ। सभापति राधाकृष्णनले कार्यभार सम्हालेपछि दलका नेताहरूसँग हुने यो पहिलो औपचारिक बैठक हो।
बैठकको मुख्य उद्देश्य संसदको माथिल्लो सदन (राज्यसभा) को कार्यप्रणालीलाई सुगम, अनुशासित र प्रभावकारी बनाउने उपायहरूमा विचार–विमर्श गर्नु हो। सभापति राधाकृष्णनले यस संवादमार्फत दलका नेताहरूसँग सुझाव लिनेछन् कि कसरी सदनमा बढी संगठित र गुणस्तरीय छलफलहरू सुनिश्चित गर्न सकिन्छ, जसले समयको सदुपयोग होस् र बहसहरू सार्थक बनुन्।
राज्यसभा सचिवालयद्वारा जारी विज्ञप्तिअनुसार, बैठकमा स्वास्थ्य तथा परिवार कल्याण मन्त्री, रसायन तथा मलिला मन्त्री र राज्यसभामा सदनका नेता जेपी नड्डा, विपक्षका नेता मल्लिकार्जुन खरगे, संसदीय कार्य तथा अल्पसंख्यक मामिला मन्त्री किरेन रिजिजू, कानून तथा न्याय मन्त्रालयका स्वतन्त्र प्रभार राज्यमन्त्री र संसदीय कार्य मन्त्रालयका राज्यमन्त्री अर्जुन राम मेघवाल, र सूचना तथा प्रसारण मन्त्रालय तथा संसदीय कार्य मन्त्रालयका राज्यमन्त्री डा. एल. मुरुगन उपस्थित रहनेछन्।
यसका अतिरिक्त, पूर्व प्रधानमन्त्री एच.डी. देवगौडा, जो हाल राज्यसभाका सदस्य हुन्, उनलाई पनि विशेष रूपमा बैठकमा आमन्त्रित गरिएको छ। लगभग सबै राजनीतिक दलका नेताहरूले आफ्नो उपस्थिति सुनिश्चित गरेका छन्।
---------------
हिन्दुस्थान समाचार / बिशाल