पणजी, 21 नोभेम्बर (हि.स.)। सूचना तथा प्रसारण राज्य मन्त्री एल. मुरुगनले भनेका छन्, उनको मन्त्रालयको तर्फबाट आईआईटी र आईआईएम जस्तै भारतीय रचनात्मक प्रविधि संस्थान स्थापनाको पहल गरिएको छ। उक्त पहलले भारतको मनोरञ्जन क्षेत्रमा सिर्जनात्मकता मात्र होइन, त्यसको प्रविधिक पक्षलाई पनि बलियो बनाउनेछ। यसले “अरेन्ज इकोनोमी” लाई समर्थन गर्दै प्रधानमन्त्री नरेन्द्र मोदीको विकसित भारतको सपना साकार गर्न सहयोग पुर्याउनेछ।
गोवाको पणजीमा आयोजित ५६औं भारतीय अन्तरराष्ट्रिय चलचित्र महोत्सवका क्रममा कला अकादमीमा हिन्दुस्थान समाचारसँगको विशेष कुराकानीमा मन्त्री मुरुगनले भने, भारतीय रचनात्मक प्रविधि संस्थानले युवा सर्जकहरूलाई प्रविधिक सहयोग र पाठ्यक्रम प्रदान गर्दै प्रधानमन्त्री मोदीको विकसित भारतको लक्ष्यतर्फ अघि बढिरहेको छ।
५६औं भारतीय अन्तरराष्ट्रिय चलचित्र महोत्सवबारे उनले भने, पहिलोपटक यसमा आम जनताले पनि भाग लिन पाएका छन्, जसका कारण यो जनताको उत्सव बन्दै गएको छ। यस वर्ष आईएफएफआईले युवा सर्जकहरूलाई आफ्नो प्रतिभा प्रदर्शन गर्ने अन्तरराष्ट्रिय मञ्च प्रदान गर्दैछ। आजादीको अमृत महोत्सवको अवसरमा शुरु गरिएको कार्यक्रममा ७५ युवा प्रतिभालाई विश्व स्तरमा पुर्याउने अवसर दिइएको थियो। अहिले यो संख्या बढेर १३० पुगेको छ। यस दृष्टिले यस मञ्चले युवा सर्जकहरूलाई अन्तरराष्ट्रिय स्तरमा अवसर दिने महत्वपूर्ण योगदान दिइरहेको छ।
---------------
हिन्दुस्थान समाचार / भवानी थामी
