दक्षिण 24 परगना, 05 नोभेम्बर (हि.स.)। भांगड़ थाना अन्तर्गत जयपुर क्षेत्रमा बुधवार बिहान एक अधेड़ व्यक्तिद्वारा आत्महत्या गरिएको घटनाबाट क्षेत्रमा कोकोहोलो मचिएको छ। मृतकको पहिचान सफिकुल गाजी (45)-को रूपमा भएको छ।

सूत्र अनुसार सफिकुलले आफ्नै घरमा गमछाले फाँसी लगाएर आत्महत्या गरे। घटनाको सूचना पाउनसाथ भांगड़ थानाको पुलिसले घटनास्थलमा पुगेर शवलाई कब्जामा लिई पोस्टमर्टम गर्नको लागि पठाइदियो। पुलिसले मामिलाको जाँच गरिरहेको छ।

स्थानीय सूत्र अनुसार सफिकुल मूल रूपमा उत्तर 24 परगना जिल्लाको हाड़ोआ ब्लक अन्तर्गत घुसिघाटा (कुल्टी पञ्चायत)- बासिन्दा थिए भने केही समयदेखि तिनी जयपुरस्थित आफ्नो ससुरालीमा बस्दै आएका थिए।

भनिन्छ, केही महिनाअगि एक दुर्घटनामा घाइते भएपछि तिनी मानसिक रूपमा तनाउग्रस्त थिए। मृतककी पत्नी मदिरा बीबीले बताइन्, पछिल्लो केही दिनदेखिको उनका पति अत्यधिक तनाउमा थिए र कुनै कुरालाई लिएर चिन्तित रहन्थे। परिवारको दाबी छ, उनी केही आवश्यक दस्तावेजहरूलाई लिएर चिन्तित थिए।

हिन्दुस्थान समाचार / उष्णता छेत्री शर्मा