जगदलपुर, 08 नोभेम्बर (हि.स.)। राष्ट्रिय जाँच एजेन्सी (एनआईए) ले शुक्रवार छत्तीसगढ़को बस्तर क्षेत्रमा 12 ठाउँ संदिग्ध र आरोपी व्यक्तिहरूको परिसरहरूमा एकसाथ छापा माऱ्यो। यो कारबाही साल 2023 मा भएको अरनपुर आईईडी विस्फोट र माओवादी हमलाको जाँचसित जोड़िएको छ।
एनआईएले जानकारी दिएको छ, जुन आरोपीहरूको परिसरहरूमा छापा मारियो, ती प्रतिबन्धित संगठन सीपीआई (माओवादी) को सशस्त्र क्याडरहरूसित जोड़िएका थिए। तलाशीमा एजेन्सीले धेरै आपत्तिजनक सामग्री जफत गरेको छ, जसमा नगदी, हस्तलिखित पत्र, माओवादीहरूद्वारा मागिने लेवी असूलीको रसीद बुकहरू र डिजिटल उपकरण सामेल छ।
उल्लेख्य, यो घटना दन्तेवाड़ा जिल्लाको अरनपुर थाना क्षेत्रको पेद्का गाउँ निकट 26 अप्रेल 2023 मा भएको थियो, जसमा दरभा डिवीजन कमिटीका माओवादीहरूले हमला गरेका थिए। एनआईएले यस मामिलाको जाँच जारी राखेको छ र अहिलेसम्म 27 आरोपीलाई पक्राउ गरी दुई आरोपपत्र दर्ता गरिसकेको छ।
पक्रा परेका आरोपीहरूमा धनेन्द्र राम ध्रुव उर्फ गुरुजी र रामस्वरूप मरकाम सामेल छ, जो माओवादीहरूको सहयोगी बताइएका छन्। यिनीहरू आईईडी विस्फोटको निम्ति आवश्यक रसद र सहाता उपलब्ध गराउनमा सामेल थिए।
एनआईए अनुसार, 17 नोभेम्बर 2023 मा गरियाबन्द जिल्लाको बड़ेगोबरा गाउँमा भएको एक अन्य विस्फोटमा पनि यिनीहरूको भूमिका अघि आएको छ। यो विस्फोट त्यस समय भयो जब मतदानकर्मी र सुरक्षाकर्मीहरूको दल मतदान समाप्त गरी फर्किरहेको थियो। हमलामा इन्डो -तिब्बती सीमा पुलिस (आईटीबीपी) का 615 एडहक बटालियनको एक हेड कन्स्टेबल बलिदान भएको थियो।
हिन्दुस्थान समाचार / भवानी थामी
