नयाँ दिल्ली, 10 दिसम्बर (हि.स.)। उज्यालोको पर्व दीपावलीलाई युनेस्कोको अमूर्त सांस्कृतिक विरासतको प्रतिनिधि सूचीमा सामेल गरेको छ। बुधवार युनेस्कोको एक महत्वपूर्ण बैठकमा यो निर्णय गरिएको हो। प्रधानमन्त्री नरेन्द्र मोदीले यस उपलब्धिमा सबैलाई बधाई दिॅंदै यो पर्वलाई भारतीय सभ्यताको आत्मा बताएका छन्।
युनेस्कोको २०औं सत्र 8 दिसम्बरदेखि 13 दिसम्बरसम्म दिल्लीको लाल किलामा आयोजना हुँदैछ। यस बैठकको क्रममा युनेस्कोले युनेस्कोको चाडपर्वहरूको सूचीमा दीपावलीलाई सामेल गर्ने घोषणा गर्यो। युनेस्कोले एक्स पोस्ट मार्फत उक्त जानकारी साझा गरेको छ।
युनेस्कोको सूचीमा दीपावलीलाई सामेल गरिएको बारेमा प्रधानमन्त्री नरेन्द्र मोदीले एक्स पोस्ट साझा गर्दै यो पर्वलाई भारतीय सभ्यताको आत्मा बताएका छन्। उनले लेखे, दीपावली हाम्रो संस्कृति र लोकाचारसँग गहिरो रूपमा जोडिएको छ। यो हाम्रो सभ्यताको आत्मा हो। यो प्रकाश र धार्मिकताको प्रतीक हो। युनेस्कोको अमूर्त विरासत सूचीमा दीपावलीको समावेशले यस पर्वको विश्वव्यापी लोकप्रियतालाई अझ बढाउनेछ।
विदेशमन्त्री एस. जयशंकरले एक्स पोस्टमा आफ्नो खुशी व्यक्त गर्दै लेखेका छन्, यो दीपावलीको विशाल सांस्कृतिक, धार्मिक र आध्यात्मिक महत्त्व र मानिसहरूलाई एकताबद्ध गर्न यसको भूमिकाको मान्यता हो। हाल, भारतका १५ गतिविधिहरू युनेस्कोको मानवताको अमूर्त सांस्कृतिक विरासतको प्रतिनिधि सूचीमा सामेल छन्, जसमा कुम्भ मेला, कोलकाताको दुर्गा पूजा, गुजरातको गरबा नृत्य, योग, वैदिक मंत्रपाठ र रामलीला सामेल छन्।
हिन्दुस्थान समाचार / भवानी थामी
