नयाँ दिल्ली, १६ डिसेम्बर (हि.स.)। लोकसभा अध्यक्ष ओम बिरलाले मंगलबार सदस्यहरूले आफ्ना–आफ्ना विषयमा दैनिक रूपमा स्थगन प्रस्ताव पेस गर्ने प्रवृत्तिप्रति आपत्ति जनाए। उनले स्थगन प्रस्ताव तात्कालिक र अत्यन्तै गम्भीर विषयहरूका लागि मात्र पेस गरिनुपर्ने बताए।

लोकसभामा प्रश्नकालपछि अध्यक्षले विभिन्न सदस्यहरूको नाम उल्लेख गर्दै उनीहरूले पेस गरेका स्थगन प्रस्ताव अस्वीकार गरिएको जानकारी दिए। साथै उनले टिप्पणी गर्दै भने, केही सदस्यहरू आफ्नो नाम उच्चारण होस् भन्ने उद्देश्यले दैनिक रूपमा स्थगन प्रस्ताव पेस गर्छन्। स्थगन प्रस्ताव केवल तात्कालिक र अत्यन्त महत्वपूर्ण विषयका लागि मात्र हो। यदि सदस्यहरूले यसरी निरन्तर प्रस्ताव पेस गरे भने उनीहरूको नाम लिईने छैन।

---------------

हिन्दुस्थान समाचार / भवानी थामी