वाशिङ्गटन, 17 दिसम्बर (हि.स.)। राष्ट्रपति डोनाल्ड ट्रम्पले मंगलवार वेनेजुएला आवागमन गर्ने मंजूरशुदा तेल ट्याङ्करहरूमाथि पूर्ण रूपमा नाकाबन्दीको आदेश जारी गरेका छन्। ट्रम्पको उक्त आदेशपछि वेनेजुएलाको निकोलस मादुरो सरकारमाथि दबाउ बढ़ेको छ। साथै, यस क्षेत्रमा अमेरिकाको मिलिट्री अभियानको पछाडि एउटा आर्थिक उद्देश्यको संकेत पाइएका छन्।

सीएनएनको रिपोर्ट अनुसार, ट्रम्पले ट्रुथ सोशल पोस्टमा पूर्ण रूपमा नाकाबन्दी शब्दहरूलाई क्यापिटल लेटर्समा लेख्दै यस क्षेत्रमा अमेरिकी मिलिट्रीको ठूलो उपस्थितितिर इशारा गरेका छन्। उनले मादुरोको सरकारलाई निशाना बनाएका छन्। उनले वेनेजुएलालाई अमेरिकाको जमिन, तेल र सम्पत्तिहरू सुम्पिन सुझाउ दिएका छन्। सैन्य कारबाही केवल लागूऔषध व्यापार विरुद्ध लड्ने उद्देश्यले मात्र होइन।

ट्रम्पले मंगलवार राति भने, वेनेजुएला दक्षिण अमेरिकाको इतिहासमा अहिलेसम्मकै सबैभन्दा ठूलो नौसेनाले पूर्ण रूपमा घेरिएको छ। यो अझ बढ्ने छ र उनीहरूले कहिल्यै नदेखेको झट्का लाग्नेछ। ट्रम्पको वेनेजुएलामाथि हमलाको धम्कीले कराकसमाथि दबाउ बढेको छ।

वेनेजुएलाको तेल भण्डार संसारकै सबैभन्दा ठूलो छ, तर अन्तरराष्ट्रिय प्रतिबन्धहरूका कारण आफ्नो क्षमताभन्दा धेरै कम्ति काम गरिरहेको छ। देशका अधिकांश तेल चीनलाई बिक्री गरिन्छ। अमेरिकी सरकारले 2005 देखि वेनेजुएलामाथि प्रतिबन्ध लगाएको छ।

हिन्दुस्थान समाचार / भवानी थामी