कोलकाता, 15 अप्रेल (हि.स.)। पश्चिम बंगालको मुर्शिदाबाद जिल्लामा वक्फ (संशोधन) अधिनियमको विरोधमा भड्केको हिंसापछि अब स्थिति बिस्तारै सामान्य भइरहेको छ। प्रशासन र सुरक्षाबलले लगातार निगरानी गरिरहेको छ ताकि कुनै प्रकारको पनि नयाँ घटनालाई ऱोक्न सकियोस्।

जंगीपुर, धुलियान, सूती र शमशेरगंज जस्ता संवेदनशील क्षेत्रहरूमा बीएसएफ, सीआरपीएफ, राज्य सशस्त्र पुलिस र ऱ्यापिड एक्शन फोर्सको भारी संख्यामा तैनाती गरिएको छ।

अधिकारीहरू अनुसार, गत 48 घण्टादेखि यी क्षेत्रहरूमा कुनै नयाँ हिंसाको घटना प्रकाशमा आएको छैन।

राज्य पुलिस अनुसार, मुर्शिदाबादमा स्थिति बिस्तारै सामान्य भइरहेको छ। बन्द रहेका दोकानहरू अब फेरि खोल्लिरहेका छन् र हिंसामा घर छोड़ेर भाग्नेहरू आफ्नो घर फर्किन थालेका छन्।

जंगीपुरबाट तृणमूल सांसद खलीलुर रहमानले भने, जोपनि हिंसामा आफ्नो घर छोड़ेर गएका थिए, उनीहरू अब फर्किरहेका छन र सबै प्रभावित क्षेत्रहरूमा जनजीवन बिस्तारै सामान्य भइऱहेको छ। राज्य सरकारले पनि पीड़ितहरूको मद्दत गरिरहेको छ। उनले मानिसहरूसित कुनै प्रकारको पनि अफवाहहरूतिर ध्यान नदिने अपील गरेका छन् ताकि सामान्य स्थितिलाई फेरि बाधित गर्न नसकियोस्।

उनले थप भने, जिल्ला प्रशासनले तिनीहरूको सूची तयार पारिरहेको छ, जसलाई उनीहरूको सम्पत्तिलाई भएको नोकसानको आधारमा क्षतिपूर्ति दिइनेछ। शुक्रवार र शनिवार मुर्शिदाबादको सूती, धुलियान र जंगीपुरमा संशोधित वक्फ अधिनियमलाई लिएर भारी विरोध-प्रदर्शन भएको थियो, जुन पछि हिंसक झड़पहरूमा परिणत भयो, पुलिस अनुसार, यी घटनाहरूमा कम्तीमा तीन जनाको मृत्यु भयो र धेरै जना घाइते भए। अहिलेसम्म कूल 210 जनालाई हिंसाको क्रममा पक्राउ गरिएको छ।

हिन्दुस्थान समाचार / भवानी थामी