मुख्यमन्त्रीले उपलब्धि हासिल गर्ने जङ्गू निर्वाचन क्षेत्रका युवाहरूलाई बधाई दिए
मुख्यमन्त्रीले उपलब्धि हासिल गर्ने जङ्गू निर्वाचन क्षेत्रका युवाहरूलाई बधाई दिए


गान्तोक, 02 अप्रेल (हि.स.)। मुख्यमन्त्री प्रेमसिंह तामाङले विभिन्न क्षेत्रमा उपलब्धि हासिल गरेका जङ्गू निर्वाचन क्षेत्रका तीन जनालाई हार्दिक बधाई दिएका छन्। मुख्यमन्त्रीले आज उनीहरूसॅंग अन्तरक्रिया गर्दै उनीहरूका परिश्रम र समर्पणको सराहना गरेका छन्।

मुख्यमन्त्रीले लोवर जङ्गूको तारयाङ निवासी मार्मित लेप्चा, लिङ्गज्या निवासी लिसोङ लेप्चा र हि गेथाङ निवासी सुकनिम लेप्चासॅंग भेट गरे। मार्मित लेप्चा युरोपको चेक गणराज्यमा फुटबल कोचको निम्ति छनौट भएकी छन्। लिसोङ लेप्चा मुख्यमन्त्री छात्रावृत्ति योजना अन्तर्गत छनौटमा परेर मध्य प्रदेशको सिन्धिया कन्या विद्यालयमा अध्ययन गर्ने अवसर प्राप्त गरेकी छन्। यसरी नै सुकनिम लेप्चाले पनि मुख्यमन्त्री छात्रावृत्ति योजना अन्तर्गत सिन्धिया कन्या विद्यालय पढ्ने अवसर प्राप्त गरेकी छिन्।

मुख्यमन्त्रीले यस उपलब्धिका लागि सबैलाई बधाई दिॅंदै उनीहरूको उज्जवल भविष्यको कामना गरेका छन्। उनले युवा प्रतिभाहरूलाई प्रोत्साहन गर्न निरन्तर सहयोग पुऱ्याएकोमा वन विभागको मन्त्री पिन्छो नामग्याल लेप्चाको प्रयासको पनि सराहना गरेका छन्।

हिन्दुस्थान समाचार / प्रदीप


 rajesh pande