गुवाहाटी, 3 अप्रेल (हि.स.)। राज्यमा हुन गइरहेको पञ्चायत चुनाउलाई मध्यनजर गर्दै बिहीवार असम प्रदेश भाजपा मुख्यालय अटल बिहारी वाजपेयी भवनमा पार्टीका प्रवक्ता, पदाधिकारी, प्यानलिस्ट औ कार्यकर्तामाझ एक महत्वपूर्ण बैठक सम्पन्न भयो। बैठकमा असम सरकारका पञ्चायती एवं ग्रामोन्नयन मन्त्री एवं पूर्व प्रदेश अध्यक्ष रञ्जीत कुमार दासको उपस्थितिमा पंचायत चुनाउमा पार्टीको जीतलाई कायम राख्ने रणनीति तथा जनताबीच राख्ने मुद्दाहरूमाथि विचार-विमर्श गरियो।

उल्लेखनीय छ, गत बुधवार असम पञ़्चायत चुनाउको कार्यक्रम घोषणा भएको छ। पंचायत चुनाउको लागि दुई चरणमा 2 र 7 मईको दिन मतदान हुनेछ भने मतगणना 11 मईमा हुनेछ। निष्पक्ष चुनाउको लागि संवेदनशील एवं अति संवेदनशील मतदान केन्द्रहरूमा अतिरिक्त सुरक्षा बललाई तैनाथ गरिनेछ। राज्यमा 25,007 मतदान केन्द्रहरू स्थापना गरिएको छ जहाँ मतदान बिहान 7 बजेदेखि साँझ 5 बजेसम्म हुनेछ। असममा यसपालिको पंचायत चुनाउमा 01 करोड़ 80 लाख 36 हजार 682 मतदाताहरूले आफ्नो मताधिकारको प्रयोग गर्नेछन्।

हिन्दुस्थान समाचार / उष्णता छेत्री शर्मा