कोलकाता, 3 अप्रेल (हि.स.)। पश्चिम बंगालमा मौसमको स्वरूप फेरिने सम्भावना छ। अलिपुर मौसम विभाग अनुसार बिहीवारदेखि राज्यका केही जिल्लाहरूमा पानी पर्नसक्छ। विशेष तटीय अनि पश्चिमी जिल्लाहरूमा मेघ गर्जनसितै वर्षा हुनसक्छ। यसको साथै तीव्र हावा चल्ने आशंका पनि छ जसबाट तापमान घट्सक्छ।
मौसम वैज्ञानिकहरू अनुसार उत्तर बंगालदेखि मध्य प्रदेशसम्म एक द्रोणिका निर्माण भएको छ जुन बिहार र छत्तसीगढ़ भएर गुज्रिरहेको छ। यसको साथै लक्षद्वीपदेखि कोंकण क्षेत्रसम्म एक पूर्वी द्रोणिका फैलिएको छ। आगामी 8 अप्रेलदेखि पश्चिमी विक्षोभ उत्तर-पश्चिम भारतका पार्वतीय क्षेत्रहरूमा सक्रिय हुनेछ। यता छत्तीसगढ़ एवं मध्य प्रदेशका सीमावर्ती क्षेत्रहरूमा चक्रवात निर्माण भएको जसबाट बंगालमा नमीले प्रवेश गरिरहेको छ साथै पानी पर्ने सम्भावना कायम छ।
मौसम विभाग मुताविक आजदेखि पूर्व औ पश्चिम मेदिनीपुर तथा झाड़ग्राममा 30-40 किलोमीटर प्रतिघण्टाको गतिले तीव्र हावासितै पानी पर्ने सम्भावना छ।शुक्रवारदेखि दक्षिण बंगालमा वर्षाको घेरा अझ बढ़्नेछ। पुरूलिया, बाँकुड़ा, पश्चिम मेदिनीपुर, झारग्राम अनि पश्चिम बर्दमानमा मेघ गर्जन सहित वर्षा हुनसक्छ यी क्षेत्रहरूमा तीव्र गतिमा हावा पनि चल्नसक्छ। आगामी आइतवार र सोमवार राज्यका पूर्वी औ तटीय जिल्लाहरूमा पनि वर्षा हुने अनुमान लगाइएको छ भने मंगलवार कोलकाता सहित राज्यभरि नै वर्षा हुनसक्छ।
शुक्रवार उत्तर बंगालका दार्जीलिङ, कालेबुघ एवं जलपाईगुड़ीमा पानी पर्नसक्छ। आइतवारदेखि उत्तर बंगालमा पनि वर्षाको तीव्रता बढ़्नेछ जसमा मालदा जिल्लालाई पनि सामेल गरिएको छ। सोमवार दार्जीलिङदेखि मालदासम्मका सबै जिल्लाहरूमा वर्षा हुने पूर्वानुमान छ भने मंगलवार उत्तर बंगालभरि नै तीव्र हावा एवं मेघ गर्जनसितै पानी पर्नेछ।
राजधानी कोलकातामा अधिकतम तापमान सामान्यभन्दा केही कम दर्ता गरिएको छ जबकि न्यूनतम तामपान पनि घटेको छ। हावामा नमीको मात्रा बढ़्नाले आद्रता कायम छ जसले गर्दा गर्मीसँगसँगै केही च्याप-च्यापी महसूस गरिँदैछ।
हिन्दुस्थान समाचार / उष्णता छेत्री शर्मा