बरपेटा (असम), 03 अप्रेल (हि.स.)। बरपेटा जिल्लाको कलगाछिया पुलिसले आईपीएल जुवाको मास्टर आईडी, मोबाइल फोन सहित अन्य दस्तावेहरूको साथमा एकजना व्यक्तिलाई पक्राउ गरेको छ। कलगाछिया पुलिस थाना अन्तर्गत बलाइपथार गाउँका नामचिन आईपीएल जुवाड़े आसिरुद्दीन (37)-लाई गए बुधवार राती आईपीएल खेलमा जुवा खेल्दै गर्दा कलगाछिया पुलिसले ठाउँबाटै पक्राउ गऱ्यो।
जानकारी अनुसार कलगछिया थानाका प्रभारी पुलिस अधिकारी दिव्य कमल दत्तको नेतृत्वमा एक पुलिस टीमले गुप्त अभियान संचालन गरी जुवाड़ेबाट एउटा मोबाइल फोन, जुवा खेल्ने आईडी र अन्य दस्तावेजहरू जफ्त गऱ्यो। आसिरूद्दीनलाई पक्राउ गरेपछि स्थानीय मानिसहरूले पुलिसको प्रशंसा गरे साथै आईपीएल जुवासित सम्बन्धित अन्य तत्वहरूलाई पनि पक्राउ गर्ने माग कलगाछिया जिल्ला आमसूले गरेको छ। पुलिसले आरोपीसित जाँचबुझ गरिरहेको छ।
हिन्दुस्थान समाचार / उष्णता छेत्री शर्मा