हुगली, 3 अप्रेल (हि.स.)। हुगली जिल्ला अन्तर्गत रिषड़ामा आगामी 6 अप्रेलमा आयोजना भइरहेको भव्य रामनवमी शोभायात्राको तयारी पूरा भइसकेको छ। यस सन्दर्भमा गत मंगलवार अबेर रातीसम्म रिषड़ाको रविन्द्र भवनमा पुलिस प्रशासनद्वारा समन्वय बैठक आयोजना गरियो जसमा चन्दन नगर पुलिस कमिश्नरेटका वरिष्ठ अधिकारी, रेल पुलिसका अधिकारी, अग्निशमन विभागका अधिकारी, स्थानीय जन प्रतिनिधि, नगरपालिकाका पार्षद, हिन्दू-मुस्लिम समाजका प्रतिनिधिहरूले भाग लिए। समन्वय बैठकमा सबैले एक स्वरमा वर्ष 2023-को रामनवमी शोभायात्रा अवधि भएको हिंसालाई स्मरण गर्दै यस्तो घटनाको पुनरावृत्तिलाई रोक्नेमाथि विशेष बल दिए।
पुलिसको पक्षबाट चन्दन नगर पुलिस कमिश्नरेटका एसीपी-2 शुभंकर विश्वासले भने, रामनवमी शोभायात्राको सफल आयोजन पश्चात समितिहरूलाई पुलिसद्वारा पुरस्कृत गरिनेछ। पुलिसको पक्षबाट यो स्पष्ट पारियो, शोभायात्रामा कुनै पनि प्रकारको हतियार प्रदर्शन हुनेछैन तथा यस अवधि डीजे प्रतिबन्धित हुनेछ। शोभायात्रा एक निश्चित समय अवधिभित्रमा सम्पन्न गरिसक्नुपर्छ र जीटी रोडमा शोभायात्रा रोकिनु हुँदैन।
डीसीपी श्रीरामपुर अर्णब विश्वासले भने, पुलिससित डराउने आवश्यकता छैन, पुलिससित त अपराधी डराउँछ। वर्ष 2014-मा उच्च न्यायालयको निर्देशानुसार रिषड़ामा सफलतापूर्वक शोभायात्राको आयोजन गरिएको थियो। यसपालिको आयोजन पनि सफल हुनेछ।
हिन्दुस्थान समाचार / उष्णता छेत्री शर्मा