सिलगढ़ी, 03 अप्रेल (हि. स.)। अवैध रूपमा भारतमा प्रवेश गरेको आरोपमा सशस्त्र सीमा बल (एसएसबी) जवानहरूले एकजना बंगलादेशी युवकसितै दुईजनालाई पक्राउ गरेका छन्। पक्रा पर्ने बंगलादेशी युवकको नाम मोहम्मद नईम हो भने दोस्रो युवक खोरीबाड़ी निवासी रमेन सिंह हो।
सूत्र अनुसार भारत-नेपाल सीमामा खोरीबाड़ीको पानीट्याङ्कीस्थित मेची नदी क्षेत्रमा गए बुधवार राती एसएसबी जवानहरूले पेट्रोलिंग गरिरहेको समय दुईजना बाइक सवारलाई संदिग्ध अवस्थामा समाते। यिनीहरूसित जाँचबुझ गर्दा-गर्दै जवानहरूलाई शंका लाग्यो। एकजना युवकको पहिचान बंगलादेशको बरिसाल निवासी मोहम्मद नईमको रूपमा भयो।
यी बंगलादेशी युवकसित कुनै पासपोर्ट, भीसा नरहेको कारणले जवानहरूले उसलाई अवैध रूपमा भारतमा प्रवेश गरेको आरोपमा हिरासतमा लिए भने रमेन सिंहलाई बंगलादेशी युवकलाई सहयोग गरेको आरोपमा हिरासतमा लिए। एसएसबीले अग्रिम कारबाहीको लागि दुवै आरोपीलाई खोरीबाड़ी थानालाई सुम्पिदिएको छ। खोरीबाड़ी थानाको पुलिस अग्रिम कारबाहीमा जुटेको छ।
हिन्दुस्थान समाचार / उष्णता छेत्री शर्मा