नयाँ दिल्ली, 03 अप्रेल (हि.स.)। प्रधानमन्त्री नरेन्द्र मोदीले बिहिवार बैङ्ककमा भारतको एक्ट ईस्ट नीति र इण्डो-पेसिफिक विजनमा थाईल्याण्डको विशेष स्थान रहेको भनेका छन्। आज हामीले आफ्नो सम्बन्धहरूलाई रणनीतिक साझेदारीको स्तरसम्म बढ़ाउने निर्णय लिएका छौं, उनले भने।

थाईल्याण्डका प्रधानमन्त्री पैतोंगतार्न शिनावात्राको साथ प्रेस मीटलाई सम्बधित गर्दै प्रधानमन्त्री मोदीले भने, सुरक्षा एजेन्सीहरूबीच ‘स्ट्रेटेजिक डायलग’स्थापित गर्नमाथि पनि चर्चा गरे। साइबर क्राइमको शिकार भारतीयहरूलाई भारत फर्काउनमा थाईल्याण्ड सरकारबाट प्राप्त सहयोगको निम्ति हामीले थाईल्याण्ड सरकारको आभार प्रकट गऱ्यौं। हामीले भारतका उत्तर-पूर्व राज्यहरू र थाईल्याण्डबीच पर्यटन, संस्कृति, शिक्षा क्षेत्रहरूमा सहयोगमाथि बल दिएका छौं। आपसी व्यापार, निवेश र व्यवसायबीच आदान प्रदान बढ़ाउनमाथि कुराकानी गरेका छौं। एमएसएमई, हथकरघा र हस्तशिल्पमा पनि सहयोगको निम्ति समझौता गरिएको छ।

उनले भने, भारतले आसियान एकता र आसियान केन्द्रियताको पूर्ण समर्थन गर्दछ। हिन्द-प्रशान्तमा स्वतन्त्र, खुल्ला, समावेशी र नियम-आधारित व्यवस्थाको हामी दुवैले समर्थन गर्दछौं। हामी विस्तार-वाद होइन, विकास-वादको नीतिमा विश्वास राख्छौं।

थाईल्याण्डमा हालमा आएको भूकम्पमा मर्नेहरूप्रति भारतीयहरूको तर्फबाट शोक व्यक्त गर्दै प्रधानमन्त्री मोदीले भने, 28 मार्चमा आएको भूकम्पमा भएको जनहानिको निम्ति म भारतीयहरूको तर्फबाट गहिरो समवेदना व्यक्त गर्दछु र घाइतेहरू शीघ्र स्वस्थ हुने कामना गर्दछु। भारत र थाईल्याण्डको वर्षौं पुरानो सम्बन्ध हाम्रो गहिरो सांस्कृतिक र आध्यात्मिक सूत्रहरूसित जोड़िएको छ। बौद्ध धर्मको प्रसारले हाम्रो जन-जनलाई जोड़ेको छ। अयुत्थयादेखि नालन्दासम्म ज्ञानको आदान-प्रदान भएको छ। रामायणको कथा थाई लोक-जीवनमा रचेको-बसेको छ र संस्कृत-पालीको प्रभाव आजपनि भाषाहरू र परम्पराहरूमा झल्किन्छ। गत साल भारतले थाईल्याण्डलाई बौद्ध अवशेष पठाएको थियो, जसले 40 लाखभन्दा धेरै श्रद्धालुहरूको ध्यान आकर्षित गऱ्यो।

गुजरातको अरावली जिल्लामा 1960 देखि 1963 बीच खननमा भेटिएको बौद्ध कलाकृतिहरू पनि थाईल्याण्ड पठाइनेछ भनी घोषणा गर्दा मलाई खुशी लागिरहेको छ।

हिन्दुस्थान समाचार / भवानी थामी