नयाँ दिल्ली, 03 अप्रेल (हि.स.)। पूर्व केन्द्रिय मन्त्री एवं भाजपा सांसद अनुराग ठाकुरद्वारा लोकसभामा हिजो कांग्रेस अध्यक्ष मल्लिकार्जुन खरगेबारे गरिएको टिप्पणीलाई लिएर आज राज्यसभामा विपक्षका सदस्यहरूले हंगामा गरे औं सदनबाट वकआउठ गरे।
आज बिहान सदनको कारबाही शुरू हुनसाथ राज्यसभामा नेता विपक्ष मल्लिकार्जुन खरगेले सभापति समक्ष अनुराग ठाकुरको आऱोपहरूमा रोष व्यक्त गरे। उनले भने, मेरो 60 वर्षको संघर्षपूर्ण राजनीतिक जीवनमा यस प्रकारका झूटा र आधारहीन आऱोप जुन अनुराग ठाकुरले लोकसभामा लगाए, त्यो अवमाननापूर्ण हो। जब मेरा सहयोगीहरूले उनलाई चुनौती दिए तब उनलाई आफ्नो अपमानजनक टिप्पणी फिर्ता लिनु बाध्य हुनपऱ्यो तर नोकसान त भइसकेको छ किनभने मीडिया र सोशल मीडियाले उक्त बेबुनियाद आऱोपहरू भएको बयानलाई प्रसारित गऱ्यो। कांग्रेस अध्यक्ष र राज्यसभामा नेता विपक्षको नाताले म अनुराग ठाकुरको आरोपहरूको निन्दा गर्दछु। यदि अनुराग ठाकुर आरोपहरूलाई प्रमाणित गर्नमा विफल प्रमाणित भए उनलाई संसदमा बनिरहने अधिकार छैन। तब उनले राजीनामा दिनुपर्छ। यदि उनले आफ्नो आरोपहरूलाई प्रमाणित गर्नसके म राजीनामा दिनेछु। म उनीसित जोड़िएको दस्तावेज यहाँ टेबल गरिरेछु।
खरगेले भने, एचडी देवेगौड़ा यहाँ सदनमा बसेका छन्, उनलाई राम्ररी थाहा छ, मबारे कहिले पनि विधानसभा सदनमा यस प्रकार बोलिएन। यदि कसैले भन्यो भने सीएमले छेउमा आएर माफी मागे। मैले कहिलेपनि झूटो बोलिन न त कुनै गलत काम गरे। यसमा भाजपा सदस्यहरूले प्रतिवाद गर्दा सत्तापक्ष र विपक्ष दुवैतर्फबाट हंगामा शुरू भयो। संसदीय कार्य मन्त्री किरेन रिजिजू केही बोल्न खड़ा भए तर हंगामाको कारण उनले आफ्नो कुरा पूरा गर्न सकेनन्। हंगाबीच खरगेले सभापतिसित संरक्षणको अपील गरे कि अनुराग ठाकुरको आऱोपहरूलाई लिएर यहाँ केहीपनि भयो, नेता सदनले त्यसको निम्ति माफी माग्नुपर्छ।
हिन्दुस्थान समाचार / भवानी थामी
04 Apr 2025