कोलकाता, 03 अप्रेल (हि.स.)। रामनवमीको शान्तिपूर्ण आयोजनलाई सुनिश्चित गर्नका लागि राज्यपाल डा. सी.ली. आनन्द बोसले राज्य सरकारलाई कड़ा सल्लाह दिएका छन्। उनले प्रशासनलाई पहिलाबाटै सबै सतर्क कदम उठाउने, पर्याप्त सुरक्षा बलहरूलाई तैनाथ गर्ने अनि कुनै पनि प्रकारको अप्रिय घटनालाई रोक्नका लागि तैनाथ रहने निर्देश दिएका छन्।

राजभवनद्वारा बिहीवार बताइएको छ, राज्यपालले सरकारसित भनेका छन्, प्रदेशको कुनै पनि भागमा कानून-व्यवस्थासित सम्बन्धित कुनै पनि घटना नहोस्, यसको लागि ठोस कदम उठाइयोस्। उनले यो पनि निर्देश दिएका छन्, कुनै पनि आपत स्थितिको जानकारी तुरून्तै राजभवनलाई दिइयोस् ताकि आवश्यक कदम उठाउन सकियोस्।

साथै राज्यपालले समाजका सबै वर्गहरूसित अपील गरेका छन्, उनीहरूले रामनवमीको अवसरमा शान्ति एवं सौहार्दलाई कायम राखुन् ताकि पर्व कुनै प्रकारको बाधा बिनै सम्पन्न हुन सकोस्।

उल्लेखनीय छ, आगामी 6 अप्रेलमा राज्यभरि नै रामनवमीको ऱ्याली निकालिनेछ। मुख्यमन्त्री ममता ब्यनर्जीले यस अवधि हिंसा हुने आशंका व्यक्त गरेकी छन् साथै प्रशासनलाई अलर्ट रहने आदेश दिएकी छन्।

हिन्दुस्थान समाचार / उष्णता छेत्री शर्मा