कोलकाता, 03 अप्रेल (हि. स.)। भर्ती घोटालाका आरोपी एवं हाल जमानतमा रिहा भएका शान्तनु ब्यनर्जी तृणमूल कंग्रेसमा फर्किनका लागि प्रयासरत् छन्। उनको भनाइ छ, उनीविरूद्ध कुनै दोष साबित भएको छैन, त्यसैले उनलाई पार्टीमा फर्किने अधिकार छ। उनले तृणमूलका वरिष्ठ नेता एवं सांसद अभिषेक ब्यनर्जीसित भेट गर्ने योजना बनाएका छन् साथै लिखित आवेदन दिने मन बनाएका छन्। तथापि पार्टीले उनलाई स्वीकार गर्छ-गर्दैन, यो प्रश्न राजनीतिक गल्लीमा चर्चाको विषय भएको छ।

लगभग दुईवर्ष अगाड़ि भर्ती घोटालामा सामेल रहेको आरोपमा हुगलीका शान्तनु ब्यनर्जीलाई पक्राउ गरिएको थियो। लामो कानूनी लड़ाईँपछि गत 20 मार्चमा उनले जमानत पाएका छन् र उनी हाल जेल बाहिर छन्। उनले हुगली जिल्ला परिषदको दौड़ाह गरे जहाँ शिक्षा कर्माध्यक्ष सुबीर मुखर्जीसित उनको भेट भयो। दुवैले एका-अर्कालाई अभिवादान गरे अऩि जिल्ला परिषदका लम्बित कामहरूमाथि चर्चा गरे। यस अवधि शान्तनुले खुलेर तृणमूल कंग्रेसमा फर्किने इच्छा व्यक्त गरे।

शान्तनु ब्यनर्जीले बिहीवार भने, म ेकजना आरोपी हुँ, तर अहिलेसम्म मविरूद्ध दोष साबित भएको छैन। यस्ता धेरैजना मानिसहरू छन् जो आरोपी हुँदाहुँदै पनि पार्टीमा कायम छन् भने मलाई किन बाहिर राखियो? उनले अझ भने, चाँड़ै नै उनले अभिषेक ब्यनर्जीलाई लिखित आवेदन दिनेछन् जसमा पार्टीमा फर्किने अपील सँगसँगै केही महत्वपूर्ण मुद्दाहरूमाथि पनि चर्चा गर्ने कुरा उल्लेख गरिनेछ।

शान्तनुको यस पहलले राजनीतिक जगतमा नयाँ बहस शुरू भएको छ। पार्टीको पक्षबाट अहिलेसम्म कुनै आधिकारिक प्रतिक्रिया आएको छैन, तर सूत्र अनुसार तृणमूल नेतृत्वले यस मामिलालाई लिएर सतर्क कदम उठाउन सक्नेछन्। भर्ती घोटालासित सम्बन्धित केही कानूनी प्रक्रियाहरू अहिले पनि जारी नै छन्, त्यसैले कुनै पनि विवादस्पद व्यक्तिलाई पार्टीमा फर्काउनअघि पार्टीले गहन विचार-विमर्श गर्नसक्छ।

हिन्दुस्थान समाचार / उष्णता छेत्री शर्मा