कामरूप (असम), 03 अप्रेल (हि.स.)। जिल्लाको दक्षिण कामरूपस्थित सोनतलीमा गए राती अचानक भएको आगलागीको घटनापछि भाग-दौड़ मच्चियो। यस घटनामा दुईजना मानिसहरू घाइते भएका छन्। आगो सोनतलीको पाठलीपारा गाउँमा हजरत अलीको घरमा लागेको थियो जसमा दुईवटा घर जलेर खरानीमा परिणत भएको छ। यस आगलागीमा 10 लाख रुपियाँको सम्पत्ति नष्ट भएको अनुमान लगाइएको छ।

घरमा आगो लागेपछि घरभित्र रहेको भान्सा ग्यासको सिलेण्डर पड़्केर आगोले झन् विकराल रूप लियो जसको चपेटमा परी दुईजना गम्भीर रूपमा घाइते भए। घाइतेहरूको पहिचान नगर अली र अकबर अलीको रूपमा गरिएको छ। दुवैलाई स्थानीय मानिसहरूले सोनतली सामुदायिक स्वास्थ्य केन्द्रमा भर्ती गराएका छन्।

लामो समयसम्म कठिन परिश्रम गरिएपछि स्थानीय मानिसहरूको तत्परातमा आगोलाई नियन्त्रण गरियो। पुलिसले मामिलाको जाँच गरिरहेको छ। आगलागीको कारण अहिलेसम्म पत्तो लाग्न सकेको छैन।

हिन्दुस्थान समाचार / उष्णता छेत्री शर्मा