कोलकाता, 3 अप्रेल (हि.स.)। पार्टी व्हिपलाई अवहेलना गरी विधानसभामा अनुपस्थित रहने 30 जना तृणमूल विधायकहरूविरूद्ध अनुशासनात्मक कारबाहीमाथि आगामी 8 अप्रेलमा फसेला हुनेछ। पार्टीको आन्तरिक अनुशासनात्मक समितिको बैठक सोही दिन अपरान्ह 2 बजे डाकिएको छ जसमा यी विधायकहरूलाई आ-आफ्नो पक्ष राख्ने अवसर दिइनेछ।
पार्टीका एकजना वरिष्ठ नेता अनुसार कारबाहीमा पर्नसक्ने विधायकहरूमा पश्चिम बंगालका युवा एवं खेल मामिलाका मन्त्री मनोज तिवारी पनि सामेल छन्। विधानसभामा तृणमूल कंग्रेसका मुख्य सचेतक निर्मल घोष एवं राज्यका संसदीय कार्यमन्त्री शोभनदेव चट्टोपाध्यायको अध्यक्षतामा गठित उक्त समितिमा वित्त राज्य मन्त्री चन्द्रिमा भट्टचार्य, कोलकाताका मेयर फिरहाद हकिम औ ऊर्जा मन्त्री अरूप विश्वास सदस्यको रूपमा सामेल छन्।
पार्टीले बजेट सत्रको दोस्रो चरणको अन्तिम दुई दिन अर्थात 19 र 20 मार्चमा सबै विधायकहरूलाई अनिवार्य रूपमा उपस्थित रहने व्हिप जारी गरेको थियो। यद्यपि यस आदेशबाट मुख्यमन्त्री ममता ब्यनर्जीलाई छुट दिइएको थियो। 19 मार्चमामा उनी उपस्थित रहेका कारण विधानसभामा विधायकहरूको उपस्थिति लगभग सय प्रतिशत नै थियो, तर 20 मार्चमा धेरैजना विधायकहरू सदनमा उपस्थित भएनन्।
पहिला यस अनुशासनात्मक बैठकको तारिक 29 मार्चमा तय गरिएको थियो, तर ईडको कारणले यसलाई स्थगित गरियो। अब आगामी 8 अप्रेलमा फसेला लिइनेछ कि यी विधायकहरूविरूद्ध पार्टीले कस्को कड़ा कदम उठाउनेछ।
हिन्दुस्थान समाचार / उष्णता छेत्री शर्मा