नयाँ दिल्ली, 03 अप्रेल (हि.स.)। रक्षा मन्त्री राजनाथ सिंहले बिहिवार सेनाका कमान्डरहरूसित वैश्विक सुरक्षा परिदृश्यहरूलाई ध्यानमा राख्दै आधुनिक तकनीकलाई सामेल गर्दै योजना बनाउने आह्वान गरेका छन्। वर्तमान वैश्विक घटनाहरू एक-अर्कासित जोड़िएका छन् र यस्ता घटनाहरूले हाम्रो छिमेकमा होस् या फेरि टाढ़ा कुनै देशमा, सबैलाई प्रभावित गर्नेछ, यसमाथि उनले जोड दिए। उनले भने, 'हाइब्रिड युद्ध' भविष्यको पारम्परिक युद्धहरूको हिस्सा हुनेछ। साइबर, सूचना, संचार, व्यापार र वित्त सबै भविष्यका संघर्षहरूको अभिन्न अंग बन्नेछ। यसैले सशस्त्र बलहरूले आफ्नो योजना र रणनीति बनाएको समय यी सबै पहलुहरूलाई ध्यानमा राख्नुपर्नेछ।

रक्षा मन्त्री नयाँ दिल्लीमा चलिरहेको सेना कमान्डरहरूको सम्मेलनमा तेस्रो दिनको सत्रको अध्यक्षता गर्दै भारतीय सेनाका वरिष्ठ नेतृत्वलाई सम्बोधित गरिरहेका थिए। रक्षामन्त्रीले वर्तमान भू-रणनीतिक अनिश्चितताहरू र जटिल विश्व स्थितिमाथि जोड दिए, जसले वैश्विक स्तरमा सबैलाई प्रभावित गर्दछ। उनले भने, वर्तमान गतिशील भू-रणनीतिक परिवर्तनहरू र अनिश्चितताहरूको साथ चलिरहेको वैश्विक सुरक्षा परिदृश्यलाई ध्यानमा राख्दै सशस्त्र बलहरूले दीर्घकालिक र अल्पकालिक दुवै चुनौतीहरूको समाधान गर्दै योजना तयार गर्नुपर्छ। वर्तमान वैश्विक सन्दर्भमा आधुनिक तकनीकलाई सामेल गर्ने सैन्य गोप्यको महत्वमाथि अधिक जोड दिन सकिँदैन।

रक्षा मन्त्रीले उत्तरी सीमाको वर्तमान स्थितिमा तैनात सशस्त्र बलहरूको दृढ़ता र सतर्कताको निम्ति सराहना गरे तथा भने, यस्तै जारी रहनुपर्छ। रक्षा मन्त्रीले बीआरओको प्रय़ासहरूको सराहना गरे, जसले गर्दा कठिन परिस्थितिहरूमा काम गर्दै पश्चिमी र उत्तरी दुवै सीमामा सड़क संचारमा भारी सुधार भएको छ। सीमाहरूको रक्षा गर्ने र आतङ्कवादसित लड्न बाहेक नागरिक प्रशासनलाई हरेक समय सहायता प्रदान गर्नमा सेनाको सराहनीय भूमिकामाथि प्रकास पारे। रक्षा मन्त्रीले भने, सेना सुरक्षा, एचएडीआर, चिकित्सा सहायतादेखि लिएर देशमा स्थिर आन्तरिक स्थिति बनाई राख्नसम्म हरेक क्षेत्रमा उपस्थित छन्। उनले सेना कमान्डरहरूको सम्मेलनमा राष्ट्रको ‘रक्षा र सुरक्षा’दृष्टिकोणलाई नयाँ शिखरहरूसम्म सफलतापूर्वक लैजानका लागि सेना नेतृत्वको सराहना गरे।

हिन्दुस्थान समाचार / भवानी थामी