गान्तोक, 18 जुलाई (हि.स.)। सेक्टर मुख्यालय, सशस्त्र सीमा बल (एसएसबी), गान्तोकले गान्तोकको तुम्लाबुङस्थित सरकारी जुनियर हाई स्कूलमा बिरुवा रोपन अभियान-2025 आयोजना गऱ्यो। आज आयोजित कार्यक्रममा अधिकारी, पदाधिकारी, शिक्षक र विद्यालयका विद्यार्थीहरूको उत्साहजनक सहभागिता रहेको पीआईबीले बताएको छ।

बिरुवा रोपन अभियानको उद्देश्य प्रदूषण घटाएर र हरियाली बढाएर पर्यावरण संरक्षणलाई प्रवर्द्धन गर्नु रहेको थियो। अभियानको क्रममा स्वदेशी रूख प्रजातिका कुल 200 बिरुवा रोपिएका थिए।

रोपिएका बिरुवाहरूको हेरचाह र पालनपोषणको जिम्मेवारी लिन विद्यार्थीहरूलाई प्रेरित गरिएको थियो। बिरुवा रोपन अभियानको सफल समापनले गान्तोकमा हरियाली र स्वस्थ पर्यावरण सिर्जना गर्ने दिशामा एक महत्त्वपूर्ण कदमको सङ्केत गर्दछ।

हिन्दुस्थान समाचार / बिशाल