नयाँ दिल्ली, 05 अगस्त (हि.स.)। प्रधानमन्त्री नरेन्द्र मोदी र फिलीपीन्सका राष्ट्रपति फर्डिनेन्ड आर मार्कोस जूनियरले आज संयुक्त रूपमा दुवै देशका द्विपक्षीय सम्बन्धहरूलाई रणनीतिक साझेदारीको दर्जा दिने घोषणा गरे। यस अवसरमा भारत र फिलीपीन्सबीच धेरै महत्वपूर्ण समझौता ज्ञापनहरूको आदान-प्रदान भयो।
प्रधानमन्त्री मोदीले यहाँ हैदराबाद हाउसमा संयुक्त संवाददाता सम्मेलनमा भने, यस वर्ष भारत र फिलीपीन्सले आफ्नो कूटनीतिक सम्बन्धहरूको 75औं वर्षगाठ मनाइरहेका छन् र राष्ट्रपति मार्कोसको भारत यात्राले यस सन्दर्भमा विशेष महत्व राख्दछ। हाम्रो कूटनीतिक सम्बन्ध नयाँ भएपनि हाम्रो सभ्यताहरूको सम्पर्क धेरै प्राचीन छ। फिलीपीन्सको रामायण महाराडिया लवाणा यसको प्रमाण हो।
संवाददाता सम्मेलनमा दुवै देशले विज्ञान र प्रौद्योगिकी, डिजिटल तकनीक, पर्यटन तथा रक्षा सहयोगलाई बढ़ावा दिने समझौता ज्ञापनहरूमा हस्ताक्षर गरे। भारतीय र फिलीपीन्स सशस्त्र बलहरूबीच तीन सन्दर्भ शर्तहरूको आदान-प्रदान पनि भयो, जुन रक्षा सहयोगमा बढ़्दो विश्वासको प्रतीक हो।
प्रधानमन्त्रीले बताए, भारत र फिलीपीन्सको द्विपक्षीय व्यापार तीन अरब डलरमाथि पुगेको छ। यसलाई अझ् मजबुत बनाउन भारत-आसियान मुक्त व्यापार समझौताको समीक्षालाई प्राथमिकता दिँदैछ। विकास साझेदारी अन्तर्गत हामी फिलीपीन्समा त्वरित प्रभावी परियोजनाहरूको संख्या बढ़ाउनेछौं र सम्प्रभु डेटा क्लाउड अवसंरचनाको विकासमा पनि सहयोग दिनेछौं।
रक्षा सहयोगको क्षेत्रमा भारतीय नौसेनाको तीन जहाज फिलीपीन्समा नौसैनिक अभ्यासमा भाग लिइऱहेका छन्, जुन दुवै देशबीच मजबूत हुँदै गइऱहेको समुद्री सम्बन्धहरूको प्रमाण हो। प्रधानमन्त्रीले भने, दुवै देशले मानवीय सहायता, आपदा राहत र खोज औं बचाउ अभियानहरूमा एक-अर्काको साथ मिलेर काम गरिरहनेछन्।
प्रधानमन्त्री मोदीले पहलगाम आतङ्की हमलाको कड़ा निन्दा गरेको र आतङ्कवाद विरूद्ध भारतको साथ खड़ा हुनका लागि फिलीपीन्स सरकारको आभार व्यक्त गरे। पर्यटनलाई प्रोत्साहन दिन फिलीपीन्सद्वारा भारतीय नागरिकहरूलाई भीसा-फ्री एन्ट्री दिने निर्णयको स्वागत गर्दै प्रधानमन्त्रीले घोषणा गरे कि भारतले पनि फिलीपीन्सका पर्यटकहरूलाई फ्री-भीसा सुविधा हुनेछ। दिल्ली र मनीलाबीच सोझो उड़ानहरूको शुरूआतको निम्ति प्रयास जारी छ।
मोदीले भने, फिलीपीन्स भारतको एक्ट ईस्ट पोलिसी र महासागर विजनको अहम साझेदार हो। हिन्द-प्रशान्त क्षेत्रमा शान्ति, सुरक्षा र नियम आधारित व्यवस्था सुनिश्चित गर्न दुवै देश प्रतिबद्ध छन्। भारत र फिलीपीन्स आफ्नो इच्छाले मित्र हुन् र नियतिले साझेदार। हाम्रो यो मित्रता केवल अतीतको सम्बन्ध नभएर भविष्यको एक वाचा हो।
हिन्दुस्थान समाचार / भवानी थामी
06 Aug 2025
