नयाँ दिल्ली, 26 जून (हि.स.)। प्रधानमन्त्री नरेन्द्र मोदीले केन्द्रिय शिक्षामन्त्री धर्मेन्द्र प्रधानलाई जन्मदिनको शुभकामना दिँदै राष्ट्रिय शिक्षा नीति (एनईपी) को प्रभावकारी कार्यान्वयनमा उनको योगदानको प्रशंसा गरेका छन्। प्रधानमन्त्रीले उनको दीर्घायु र सुस्वास्थ्यको कामना गरेका छन्।

आज एक्समा आफ्नो सन्देशमा प्रधानमन्त्री मोदीले केन्द्रिय मन्त्री धर्मेन्द्र प्रधानले राष्ट्रिय शिक्षा नीतिको प्रभावकारी कार्यान्वयनको लागि प्रशंसनीय प्रयास गरिरहेको बताएका छन्। नयाँ शिक्षा नीतिको उद्देश्य भारतलाई ज्ञान, शिक्षा र नवाचारको विश्वव्यापी केन्द्र बनाउनु हो।

प्रधानमन्त्रीले धर्मेन्द्र प्रधानको नेतृत्वमा शिक्षा क्षेत्रमा भइरहेका प्रयासहरूले देशको भावी पुस्तालाई सशक्त बनाउन र भारतलाई ज्ञानमा आधारित अर्थव्यवस्थातर्फ लैजान महत्वपूर्ण भूमिका खेलिरहेको बताए।

उल्लेख्य, राष्ट्रिय शिक्षा नीति अन्तर्गत शिक्षा प्रणालीमा व्यापक सुधार, कौशल विकास, मातृभाषामा शिक्षा, अनुसन्धानलाई बढ़ावा र विश्वव्यापी प्रतिस्पर्धाको लागि विद्यार्थीहरूलाई तयार पार्न विशेष जोड दिइएको छ। यसका साथै राष्ट्रिय शिक्षा नीति (एनईपी) 2020 को कार्यान्वयनको लागि केन्द्रिय शिक्षा मन्त्री धर्मेन्द्र प्रधानको कार्यकाल महत्वपूर्ण मानिन्छ।

हिन्दुस्थान समाचार / भवानी थामी