कालियाबोर, 18 जनवरी (हि.स.)। प्रधानमन्त्री नरेन्द्र मोदीले देशका मतदाताहरू अझै पनि सुशासन, विकास र विकासको साथ सम्पदामा समान रूपले ध्यान दिने सरकार चाहन्छन् र त्यसैले उनीहरू भारतीय जनता पार्टीमाथि विश्वास गरिरहेको बताएका छन्। हालैको चुनावी नतिजाले पनि स्पष्ट सन्देश दिन्छ कि देशले कांग्रेसको नकारात्मक राजनीतिलाई अस्वीकार गरिरहेको छ। मुम्बईमा जहाँ कांग्रेसको जन्म भएको थियो, यो अब चौथो वा पाँचौं स्थानको पार्टी बनेर रहेको छ। महाराष्ट्रमा, जहाँ यसले वर्षौंसम्म शासन गर्योथ, त्यहाँ कांग्रेसको पूर्ण रूपमा पतन भएको छ। कांग्रेसले देशको विश्वास गुमाएको छ किनभने यसको कुनै विकास एजेन्डा छैन।

प्रधानमन्त्री नरेन्द्र मोदीले आइतवार असमको आफ्नो दुई दिने भ्रमणको क्रममा नगाउँ जिल्लाको कालियाबोरमा ₹6,950 करोड़भन्दा बढ़ी लागतको काजीरंगा एलिभेटेड करिडोर परियोजनाको शिलान्यास गरे र दुई अमृत भारत एक्सप्रेस रेलहरूको उद्घाटन गरे। कार्यक्रममा असमका मुख्यमन्त्री हिमन्त विश्व शर्मा, केन्द्रिय पोत परिवहन मन्त्री सर्वानन्द सोनोवाल, केन्द्रिय विदेश राज्यमन्त्री पवित्रा मार्गेरिटा, असम सरकारका मन्त्री अतुल बोरा र केशव महानता समेत धेरै वरिष्ठ व्यक्तिगण उपस्थित थिए।

कार्यक्रमलाई सम्बोधन गर्दै प्रधानमन्त्रीले काजीरंगाको भ्रमणले उनलाई आफ्नो अघिल्लो भ्रमणको सम्झना गराएको बताए। दुई वर्षअघि काजीरंगामा बिताएका क्षणहरू उनको जीवनका सबैभन्दा विशेष अनुभवहरूमध्ये एक हुन्। त्यस समय उनले काजीरंगा राष्ट्रिय निकुञ्जमा रात बिताउने र भोलीपल्ट बिहान हात्ती सफारीको क्रममा यस क्षेत्रको सुन्दरतालाई नजिकबाट अनुभव गर्ने अवसर पाए। असम भ्रमण गर्दा उनी सधैं विशेष आनन्द महसुस गर्छन्।

प्रधानमन्त्रीले बोडो समुदायका छोरीहरूले प्रस्तुत गरेको बागुरुम्बा नृत्यको प्रशंसा गर्दै 10,000 भन्दा बढ़ी कलाकारहरूको यो प्रस्तुतिले नयाँ कीर्तिमान कायम गरेको बताए। बागुरुम्बा नृत्यको अनुभव आँखाबाट हृदयसम्म पुग्यो र असमिया कलाकारहरूको कड़ा परिश्रम, तयारी र समन्वय साँच्चै उल्लेखनीय थियो। उनले सबै कलाकारहरूलाई बधाई दिए र देशभरिका सामाजिक सञ्जालका प्रभावकारहरूको पनि प्रशंसा गरे जसको प्रयासले यो परम्परागत बोडो नृत्यलाई सामाजिक सञ्जालमा व्यापक रूपमा लोकप्रिय बनाएको छ।

प्रधानमन्त्रीले भने, हिजो रातिका कार्यक्रमहरू बिहानदेखि टेलिभिजनमा प्रसारण गरिएको छ, जसले कार्यक्रमको भव्यताको अनुमान लगाउन सकिन्छ। गत वर्ष उनी झुमरई महोत्सवमा उपस्थित भए र यस वर्ष माघ बिहूको अवसरमा भ्रमण गर्ने सौभाग्य पाइयो। एक महिनाअघि उनले विकास परियोजनाहरूको लागि गुवाहाटीको भ्रमण गरेका थिए, लोकप्रिय गोपीनाथ बोरदोलोई अन्तरराष्ट्रिय विमानस्थलको विस्तार अन्तर्गत नयाँ टर्मिनल भवनको उद्घाटन गरेका थिए र नामरूपमा अमोनिया-युरिया प्लान्टको शिलान्यास गरेका थिए। यस्ता सबै अवसरहरूले भाजपा सरकारको विकास र सम्पदा को मन्त्रलाई अझ् बलियो बनाएको छ।

प्रधानमन्त्रीले भने, कालियाबोरले असमको इतिहासमा महत्त्वपूर्ण स्थान ओगटेको छ। यो काजीरंगा राष्ट्रिय निकुञ्जको प्रवेशद्वार र माथिल्लो असमको लागि सञ्चारको केन्द्र हो। यही क्षेत्रबाट महान योद्धा लचित बोरफुकनले मुगल आक्रमणकारीहरूलाई धपाउन आफ्नो रणनीति बनाएका थिए र उनको नेतृत्वमा असमका जनताले साहस, एकता र दृढ़ संकल्पका साथ मुगल सेनालाई पराजित गरेका थिए। यो केवल एक सैन्य विजय मात्र थिएन तर असमको आत्मसम्मान र आत्मविश्वासको घोषणा थियो। कालियाबोरले अहोम कालदेखि नै रणनीतिक महत्त्व राख्दै आएको छ र उनले भाजपा सरकारको नेतृत्वमा यो क्षेत्र विकासको प्रमुख केन्द्र बन्दै गएकोमा खुशी व्यक्त गरे।

प्रधानमन्त्रीले भने, आज भाजपा देशभरिका जनताको पहिलो रोजाइ बनेको छ र विगत डेढ़ वर्षमा पार्टीमा राष्ट्रको विश्वास निरन्तर बढ़ेको छ। हालैको बिहार चुनाउमा जनताले 20 वर्षपछि पनि भाजपालाई रेकर्ड भोट र रेकर्ड सिट दिए। महाराष्ट्रका प्रमुख शहरहरूमा भएको मेयर र काउन्सिलरको चुनावमा, विश्वको सबैभन्दा ठूला नगरपालिकाहरू मध्ये एक मुम्बईमा भाजपाले पहिलो पटक जनादेश प्राप्त गऱ्यो। यो जित मुम्बईमा भएको थियो, तर यो विजय काजीरंगामा मनाइँदैछ। महाराष्ट्रका धेरैजसो शहरका जनताले भाजपालाई सेवा गर्ने अवसर दिएका छन् र दक्षिणमा केरलाका जनताले पनि भाजपालाई ऐतिहासिक समर्थन दिएका छन्, जहाँ पहिलो पटक भाजपा मेयर निर्वाचित भएको छ र पार्टीले तिरुवनन्तपुरममा सेवा गरिरहेको छ। हालैको चुनावी नतिजाको जनादेश स्पष्ट छ।

प्रधानमन्त्रीले भने, पूर्वोत्तर अब विकासको किनारमा छैन, अब टाढ़ा छैन तर हृदयको नजिक छ र दिल्लीको पनि नजिक छ। लामो समयदेखि प्रकृति र प्रगति एकअर्कासँग बाझिने धारणा कायम रह्यो तर आज भारतले संसारलाई देखाउँदैछ कि दुवै सँगै प्रगति गर्न सक्छन्। जब प्रकृति सुरक्षित हुन्छ, अवसरहरू पनि सिर्जना हुन्छन्।

प्रधानमन्त्रीले विगत केही वर्षहरूमा काजीरंगामा पर्यटकको संख्यामा निरन्तर वृद्धि भएको उल्लेख गर्दै होमस्टे, गाइड सेवा, यातायात, हस्तकला र साना व्यवसायहरू मार्फत स्थानीय युवाहरूलाई आयको नयाँ स्रोत प्रदान गरेको बताए। काजीरंगा केवल राष्ट्रिय निकुञ्ज मात्र होइन तर असमको आत्मा र भारतको जैविक विविधताको बहुमूल्य रत्न हो। युनेस्कोले यसलाई विश्व सम्पदा स्थलको रूपमा तोकेको छ।

प्रधानमन्त्रीले बाढ़ीको समयमा वन्यजन्तुको सुरक्षाका लागि कालियाबोरदेखि नुमालीगढ़सम्मको 90 किलोमिटर लामो करिडोर लगभग 7,000 करोड़ रुपियाँको लगानीमा निर्माण भइरहेको बताए। जसमा 35 किलोमिटरको लामो अग्लो खण्ड पनि सामेल छ जसले गर्दा तल जनावरहरूको आवागमनमा बाधा नपुऱ्याई सवारी साधनहरू माथिबाट जान सक्छन्। काजीरङ्गामा एकसिङ्गे गैंडाको शिकार असमको लागि प्रमुख चिन्ताको विषय थियो। 2013-14 मा दर्जनौं गैंडा मारिएका थिए। भाजपा सरकारले यसलाई रोक्ने, सुरक्षा सुदृढ़ पार्ने र वन विभागलाई थप स्रोतहरू उपलब्ध गराउने संकल्प गर्योष। वन दुर्गा पहलले महिलाहरूको सहभागिता बढ़ायो, जसको परिणामस्वरूप 2025 सम्ममा गैंडाको शिकार शून्य भयो।

प्रधानमन्त्रीले भने, कांग्रेसको शासनकालमा असमले थोरै बजेट प्राप्त गर्थ्यो र पूर्वोत्तरको सबैभन्दा ठूलो पीड़ाको बिन्दु दूरी थियो। दशकौंदेखि यहाँका मानिसहरूले देशको विकास अन्यत्र भइरहेको महसुस गरे, जसले विश्वासलाई कमजोर बनायो। भाजपा सरकारले कांग्रेस पार्टीको विपरीत सड़क, रेलवे, हवाई मार्ग र जलमार्ग मार्फत असमलाई जोड्ने काम गरेको छ। कांग्रेस शासनकालमा असमले लगभग ₹2,000 करोड़को रेल बजेट प्राप्त गर्थ्यो, जुन भाजपा सरकारले वार्षिक रूपमा लगभग ₹10,000 करोड़ पुर्यातएको छ।

हिन्दुस्थान समाचार / भवानी थामी