महोबा, 19 जनवरी (हि.स.)। उत्तर प्रदेशको महोबा जिल्लामा कारमा आएका चार बदमाशहरूले मल बोकेको ट्रकलाई ओभरटेक गरी रोके र चालकलाई लाठीले निर्ममतापूर्वक कुटे। ट्रक मालिकले दिएको उजुरीको आधारमा पुलिसले मुद्दा दर्ता गरेको छ र यस विषयमा अनुसन्धान शुरु गरेको छ।

जिल्ला मुख्यालयको बजारिया निवासी अनिल कुमार गुप्ताले भने, उनी उत्तर प्रदेश कोअपरेटिव फेडरेशनमा हमिरपुरमा मल बीउको परिवहन ठेकेदार हुन्। उनको ट्रक 17 जनवरी दिउँसो जिल्ला मुख्यालय स्थित गोदामबाट मल लिएर इचोली जाँदै थियो। बाटोमा कारमा आएका बदमाशहरूले ट्रक रोके र चालकसित कुटपिट गरे। सोमवार कबरई थाना प्रभारी सतवेन्द्र सिंह भदौरियाले भने, उजुरीको आधारमा मुद्दा दर्ता गरिएको छ र यस विषयमा अनुसन्धान भइरहेको छ।

हिन्दुस्थान समाचार / भवानी थामी